Mair Eluned Morgan, Baronesa Morgan of Ely, nada en Cardiff o 16 de febreiro de 1967, é unha política laborista galesa, membro da Asemblea Nacional de Gales e Ministra do Goberno de Gales para a lingua galesa e a educación permanente.
Traxectoria
Educada no Ysgol Gyfun Gymraeg Glantaf, graduouse en Estudos Europeos na Universidade de Hull.
En 1990 traballou como stagiaire no Parlamento Europeo para o Grupo Socialista. En 1994 foi elixida deputada no Parlamento Europeo, e reelixida en 1999 e 2005.
O 19 de novembro de 2010 foi nomeada par vitalicio, escollida para a Cámara dos lords. O 27 de xaneiro de 2011 foi nomeada Baroness Morgan de Ely, pola súa vila de nacemento, Ely, en Cardiff.
En 2015 foi escollida candidata para as eleccións á Asemblea Nacional de 2016 pola lista rexional de Gales Central e Oeste. Nas eleccións do 5 de maio de 2016 foi escollida membro da Asemblea Nacional, e en novembro de 2017 foi proclamada Ministra para a linguag galesa e a educación permanente.
Véxase tamén
Ligazóns externas
- Páxina como membro da Asemblea Nacional de Gales Arquivado 26 de outubro de 2018 en Wayback Machine.
