Destruction Derby é un videoxogo de carreiras de coches creado por Psygnosis en 1995 que foi lanzado en varias plataformas: inicialmente tivo a súa orixe en PC e, posteriormente, apareceron as versións para Sega Saturn e PlayStation practicamente ao mesmo tempo.
Temática
En Destruction Derby hai dous modos de xogo básicos. No modo carreira, o que se intenta acadar é quedar por diante dos nosos adversarios. No modo destrución, o obxectivo primordial é saír o mellor parado e vitorioso posible dun verdadeiro ring de batalla de coches.
Aspectos técnicos
Destruction Derby posúe gráficos tridimensionais tanto para os coches como para os escenarios, non así para os fondos de pantalla, nos que se emprega un fondo estático tal e como se fixo en Daytona USA. A xogabilidade é un punto forte do videoxogo.
