O Boeing P-8 Poseidon é un avión estadounidense de patrulla e recoñecemento marítimo desenvolvido e producido por Boeing Defence, Space & Security, e derivado do avión de pasaxeiros Boeing 737-800. Foi desenvolvido para a Armada dos Estados Unidos, realizou o seu primeiro voo o 25 de abril de 2009 e entrou en servizo en novembro de 2013.
O P-8 opera en roles de guerra antisubmarina (ASW), guerra antisuperficie (ASUW), e intelixencia, vixilancia e recoñecemento (ISR). Está armado con torpedos, mísiles antibuque Harpoon, e outras armas, pode lanzar e monitorizar sonoboias, e pode operar en conxunto con outros activos, incluíndo o vehículo aéreo non tripulado (UAV) de vixilancia marítima Northrop Grumman MQ-4C Triton.
O P-8 está operado pola Armada dos Estados Unidos, a Armada da India, a Real Forza Aérea de Australia, a Royal Air Force, a Real Forza Aérea de Noruega, e a Real Forza Aérea de Nova Zelandia. Tamén foi pedido pola Armada de Corea do Sur, a Armada de Allemaña e a Real Forza Aérea do Canadá.
