Sa paj ka konsèrnen lannen 1796 di kalandriyé grégoryen.
Évènman
- 9 févriyé: koumansman di règn di Jiaqing, lanprò Qing di Lachin aprè labdikasyon-an di so papa Qianlong (finisman an 1820).
- 15 févriyé: kapitchoulasyon di Kolonbo. Britannik-ya ka pran Ceylan (Sri Lanka) asou Néyèrlandé-ya.
- 16 févriyé: Britannik-ya ka anparé so kò d'Amboine.
- Févriyé: koumansman di rébélyon-an di « Lotus blanng » annan montangn-yan ant Sichuan, Shanxi ké Hubei (1796-1804). Sa sosyété sigré ka kont di nonbré péyizan ki kòrvé-ya é ka douré èsplwatasyon ki enpozé pa Qing ka pousé à révòlt-a.
- 3 mars: lirwè-a di Kanbòdj Ang Eng se rend atè Bangkok pou réklanmen rèstitisyon-an dé provens ògsidantal di so péyi pa Siam, ki ka konfyé réjans-a o mandaren khmer Pok. Li ka rantré désivwè 5 mè-a é ka mouri sèt mwa aprè. Pok ka ègzèrsé réjans-a di so tiboug Ang Chan II jouk 1806, charjé pa Siam di véyé o entérè siamois o Kanbòdj.
- 8 mars: Britannik-ya ka anparé yé kò dé zil Banda.
- 1e mè: an Répiblik batav, dirègtò-ya ka abandonnen administrasyon-an di Konpagni néyèrlandé-a dé Lenn oryantal à roun « Koumité pou zafè oryantal-ya » ki nonmen pa gouvèlman-an.
- 1e jen: Ténési-a ka divini sèzyenm Léta-a di Linyon anmériken-an.
