1593 sa roun lannen koumin ki ka koumansé oun vandrédi.
Évènman
- 11 janvyé: tout koumèrs dirèk ant Filipin-yan ké Lèspagn-an sa proyibé ké trafik-a tout antché sa asiré pa galion-an di Manille ki ka travèrsé chak lannen Pasifik-a annan Dé sans, anr Acapulco ké Manille. Li ka enpòrté dé prodjwi anmériken é éropéyen é ka èspòrté dé prodjwi chinwa (laswa, té, pòrsélenn, livwè). Défisit-a sa sòldé pa métal présyé anmériken.
- 18 janvyé: batay di Nong Sarai (provens di Suphanburi). Naresuan, souvren di rwayom d'Ayutthaya, ka tchwé prens léritché birman-an Mingyi Swa an konba sengilyé à do di léléfan. Li ka anvayi answit Kanbòdj-a é ka pran kapital-a Lovêk, don li ka dépòrté popilasyon-an pou ripéplé so provens-ya di nò.
- 11 avril, Lafrik oryantal: koumansman di konstriksyon-an di fòrtérès-a di Fò Jésus atè Mombasa pa Pòtidjé-ya pou sékirizé larout-a dé Lenn kont Otoman-yan (finisman an 1596).
- 9 mè, lagèr Imjin: entèrvansyon-an di roun pwisan kò èspédisyonnèr chinwa, ki konjigé o léfò di léro nasyonnal koréyen, lanmiral Yi Sunshin (1545-1598), ka kontrenn Japonnen-yan à évakiyé Séyoul.
- Koumansman dé chantché di l’Alameda Central atè Mègsiko.
