Is polaiteoir poblachtach Éireannach de chuid Shinn Féin é Gerard "Gerry" Kelly (Gaeilge: Gearárd Ó Ceallaigh); a saolaíodh an 5 Aibreán 1953, agus iaróglach de chuid na Sealadaigh (PIRA). Bhí ról ceannródaíoch aige i rith an phróisis idirbheartaíochta a raibh Comhaontú Aoine an Chéasta mar thoradh orthu, ar an 10 Aibreán 1998. Faoi láthair, is ball d'Ard-Chomhairle Shinn Féin é agus is Comhalta den Tionól Reachtach (CTR) é do Bhéal Feirste Thuaidh, ó 1998 ar aghaidh.
Luathshaol
Rugadh Gerard Francis Kelly ar 5 Aibreán 1953 ar Shráid Raglan i gceantar Íochtarach na bhFál, i mBéal Feirste. Íochtarach i mBéal Feirste. Tá sé ar dhuine d'aon leanbh déag, seachtar buachaillí agus ceathrar cailíní. Chuaigh sé go dtí St Finian's Primary School ar Bhóthar na bhFál. Ní raibh a mhuintir thar a bheith polaitiúil; mar sin féin bhí a sheanathair ina thacaitheoir de chuid Pháirtí an Lucht Oibre. Chuaigh Kelly ar aghaidh ina dhiaidh sin go dtí St Peter's Secondary School, áit ar bhain sé a chuid O-Leibhéil amach, sular fuair sé a chéad phost, in aois a 17, sa Státseirbhís mar oifigeach cléireachais i Roinn Leictreachais Chorparáid Bhéal Feirste.
Sa bhliain 1971, chuaigh Kelly isteach in eagraíocht óige mhíleata na bPoblachtánach, Fianna Éireann. Gabhadh é níos déanaí i Lúnasa 1971 agus cuireadh i bPríosún Mhuinseo é ar feadh roinnt míonna. I mí Eanáir 1972, d'éalaigh sé, agus chuaigh sé isteach in Óglaigh Shealadacha na hÉireann i gceantar na Carraige Gile/Bhaile Uí Mhurchú ar a fhilleadh go Béal Feirste.
Tagairtí
Is síol faoi Thuaisceart Éireann é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
