Ba é an Fieseler Fi 103 an chéad diúracán cúrsála a úsáideadh go míleata. Tugadh V1 (arm díoltais 1) air freisin mar cheann de na “Wunderwaffen“ (airm mhíorúilteacha) i mbolscaireacht Naitsíoch an Dara Cogadh Domhanda. Thug an déantóir Gerhard-Fieseler-Werke i Kassel an códainm FZG 76 (Flakzielgerät 76) air, agus bhí sé réidh le húsáid in earrach na bliana 1944. Ó Mheitheamh 1944 go Márta 1945, bhí thart ar 12,000 Fi 103 in úsáid ag an Wehrmacht i gcoinne targaidí i Sasana (Londain) agus sa Bheilg (Calafort Antuairp) den chuid is mó.
Lódaíodh an “diúracán fadraoin aerárthachchruthach” a forbraíodh thar ceann Das Reichsluftfahrtministerium (Aireacht Eitlíochta an Reich) ó lár na bliana 1942 le beagnach tonna pléascán agus mar sin tugadh Die Flügelbomben (buamaí sciatháin) orthu.
Ainmniúcháin
Téarma bolscaireachta ab ea V1 a chum Joseph Goebbels, Fieseler Fi 103 an t-ainmniú míleata bunaithe ar liosta cineáil den Reichsluftfahrtministeriums. Ar dtús tugadh Höllenhund (Cú ifrinn) air go hoifigiúil, comhaontaíodh an t-ainm V-Waffe ar 17 Meitheamh, 1944 ar mholadh Hans Schwarz van Berk. Thug an pobal áitiúil Der Eifelschreck (An t-uafás Eifel) ar an V1, a seoladh go príomha i dtreo na Bruiséile, Antweirp agus Liège ó rampaí san Eifel, mar gheall ar an iliomad luath - thuairteanna.
