Feardorcha I (Impire Naofa Rómhánach)

Ba é Feardorcha I (Laidin: Fridericus I, Gearmáinis: Friedrich I; 1122 - 10 Meitheamh 1190), ar a dtugtar Feardorcha Barbarossa freisin, Impire Naofa na Róimhe ó 1155 go dtí a bhás 35 bliain ina dhiaidh sin. Toghadh é mar Rí na Gearmáine ag Frankfurt an 4 Márta 1152 agus corónaíodh é in Aachen an 9 Márta 1152. Corónaíodh é mar Rí na hIodáile an 24 Aibreán 1155 i bPavia agus ina impire ag an bPápa Aidrian IV an 18 Meitheamh 1155 sa Róimh. Dhá bhliain ina dhiaidh sin, bhí an téarma sacrum ("naofa") le feiceáil den chéad uair i ndoiciméad i dtaca lena impireacht. Corónaíodh é go foirmiúil ina dhiaidh sin mar Rí na Burgúine, ag Arles an 30 Meitheamh 1178. Bhaist na cathracha i dtuaisceart na hIodáile a ndearna sé iarracht iad a rialú an leasainm “Barbarossa” air, ainm a chiallaíonn “féasóg dhearg” san Iodáilis; sa Ghearmáinis, tugadh “Kaiser Rotbart” air, a bhfuil an bhrí chéanna leis. Léiríonn leitheadúlacht leasainm na hIodáile, fiú amháin in úsáid níos déanaí sa Ghearmáinis, lárnacht fheachtais na hIodáile ina ghairmréim.