Apatosaurus

Ba dhineasár ollmhór é an t-apatasár (géineas Apatosaurus). Bhí cónaí ar an dineasár seo i Meiriceá Thuaidh agus mhair sé ag an am céanna le Diplodocus, Allosaurus, agus Stegosaurus. Meastar gur ith sé fásra timpeall ar locha is corcacha. Bhí sé ceathairchosach, agus bhí na géaga cosúil le colúin, na géaga deiridh níos faide ná na géaga tosaigh. Bhí an t-eireaball cosúil le lasc, an muineál an-fhada, an bhlaosc le haghaidh chlaonta. Faightear iarsmaí ón tréimhse Iúrasach uachtarach i gColorado. Thugtaí an brontasár air tráth.