Ba uaslathaí Spáinneach é Alonso Pérez de Guzmán y Sotomayor, 7ú Diúc Medina Sidonia, (10 Meán Fómhair 1550 – 26 Iúil 1615), a bhí an-suntasach mar gheall ar a ról mar cheannasaí ar Armáid na Spáinne a bhí chun ionsaí a dhéanamh ar dheisceart Shasana sa bhliain 1588. Ba mhac fionnó é le Fernando II de Aragón.
Teaghlach
Ba é Juan Carlos Pérez de Guzmán athair Alonso, a fuair bás sa bhliain 1556. Bhí sé seo dhá bhliain roimh bhás a athar féin, Juan Alfonso Pérez de Guzmán, 6ú Diúc Medina Sidonia, rud a chiallaíonn gur theip ar Juan Carlos teideal na diúcachta a fháil le hoidhreacht agus nach bhfuair sé bás ach mar an 9ú Cunta Niebla
Ba í a sheanmháthair athartha, a fuair bás sa bhliain 1528, ná Ana de Aragón y de Gurrea, iníon neamhdhlisteanach le hAlonso de Aragón y Ruiz de Iborra, Ardeaspag Zaragoza, mac neamhdhlisteanach é féin don rí Ferdinand II de Aragón. Sa bhliain 1518 phós Ana de Aragón i ndiaidh a chéile dhá Diúc Medina Sidonia. bhliain 1518 phós Ana de Aragón sna sála ag a chéile beirt Dhiúc de Medina Sidonia. Bhí an chéad phósadh aici le hAlfonso Pérez de Guzmán, 5ú Diúc Medina Sidonia, a fuair bás gan chlann sa bhliain 1548. Fógraíodh go raibh sé as a mheabhair ("mentecato"), rud a chuir an pósadh ó bhail agus a d'fhág an comharbas ar an teideal folamh. Phós an bhrídeog ansin, an bhliain chéanna, le deartháir an 5ú Diúc, Juan Alfonso, an 6ú Diúc, a rugadh ar 24 Márta 1502. Mhairfeadh sé trí scór bliain tar éis bháis a chéile, ag fáil bháis i Sanlúcar de Barrameda, i gCúige Cádiz, sa Spáinn, ar 26 Samhain, 1558.
