Lichfield

City of Lichfield is in stêd (city) yn it distrikt Lichfield, yn it Ingelske greefskip Staffordshire. One of eight civil parishes with city status in England, Lichfield is situated roughly 25 km benoarden Birmingham.

Lichfield hat in ferneamde midsiuwske katedraal. Lichfield wie it berteplak fan Samuel Johnson, de skriuwer fan it earste gesachhawwende Ingelsk wurdboek (Dictionary of the English Language). De skreaune skiednis fan de stêd begjint yn 669 doe't St Chad it Diosee fan Lichfield stifte. De delsetting groeide út ta it tsjerklik sintrum fan it Keninkryk Mercia. Yn 2009 waard de Skat fan Staffordshire 5,9 km súdwestlik fan Lichfield fûn, de grutste Angelsaksyske goud- en sulverfynst ea.

De ûntjouwing fan de stêd gie troch yn de 12e iuw ûnder Biskop Clinton dy't de katedraal en de bebouwing dêr omhinne fersterke, en dy't ek ferantwurdlik wie foar it ljedderfoarmige strjitpatroan fan de stêd dat bewarre bleaun is. Lichfield syn belang krige de hichte yn de 18e iuw doe't it him ûntjoech ta in bloeiende stêd yn it postkoetsnetwurk. It wie in perioade fan grutte yntellektuele aktiviteit foar de stêd, dêr't in protte ferneamde lju wennen sa as Samuel Johnson (hy neamde Lichfield "a city of philosophers"), David Garrick, Erasmus Darwin en Anna Seward. Yn Lichfield stiet ek it stânbyld fan Edward Smith, kaptein fan de RMS Titanic.

Tsjintwurdich is de stêd noch fan belang as in tsjerklik sintrum, waans yndustriële en kommersjele ûntjouwing beheind bleaun is. It âlde stedssintrum is frijwat goed bewarre bleaun en hat goed 230 gebouwen op de monumintelist, mei moaie Georgiaanske arsjitektuer. Alde kultuerele tradysjes wurde yn eare holden.