Berchbeklimmen, ek wol alpinisme neamd, is it beklimmen fan bergen, ornaris út rekreätyf motyf. It kin rotsklimmen en iisklimmen ynhâlde. By berchbeklimmen wurde ferskate natuerlike obstakels betwongen en beklommen. Dat kinne rotswanden, iiswanden, gletsjers of gewoan grutte púnfjilden of berchgreiden wêze. Neist de wenstige klimtechniken binne hjirby ek kennis fan meteorology, glasiology, rêdingstechniken, oriïntaasje en in treflike kondysje needsaaklik. It is de meast avontoerlike foarm fan de klimsport en wurdt dêrom ek wol de "keningsdissipline" neamd.
Ofbylden dy't by dit ûnderwerp hearre, binne te finen yn de kategory Climbing fan Wikimedia Commons.
