Marco Polo

Marco Polo (Vignesie, 15 di Setembar 1254 – Vignesie, 8 di Zenâr 1324) al è stât un mercjadant e esploradôr venezian che, insieme cul pari Nicolò e il barbe Matteo, al è rivât te Cine (da lui clamade Chatai). No l'è stât il prin ocidentâl a rivâ te Cine, però al è stât il prin a lassâ une descrizion detaliade di çe che al veve viodût.

Otignude la stime dal Gran Khan Kubilai (nevôt di Genghis Khan), al à vivût in Orient par ben 17 agns fasint part dai funzionaris imperiâi e zirant par ducj i teritoris dal imperi. Ancje se al voleve tornâ a Vignesie, Kubilai no lu lassave partî parvie che lu tignive in grande considerazion. A la fin al à lassât partî lui, so pâri e sô barbe cul incjariament di compagnâ la principesse Kokachin, che veve di là incuintri al sovran di Persie par sposâsi.

Tornât a Vignesie, cui bêçs otignûs in Cine al à invistît in impresîs comercialis e al è deventât un gran siôr.

Daspò trê agns che al jere tornât, al è stât fat prisonîr dai gjenovês in te Bataie di Curzola (vuê te Cravuazie). Inte preson di Gjenue al à cognossût Rustichello da Pisa.

Lis cronichis dal so viaç (durât ben 24 agns) a son stadis detadis di lui stès in lenghe d'oïl a Rustichello da Pisa, sô compagn di presonie a Gjenue, e racoltis intun libri intitulât Deuisament dou monde, miôr cognossût come Il Milione (Il Milion par furlan).

Daspò trê agns di presonie al è tornât a Vignesie e al à sposât une nobîl de famee Badoer. Cun le femine al à vût trê fîs.

In Cravuazie disin che la famee Polo e sedi origjinarie de Dalmazie, ma je dome une invenzion par fâ vignî i turiscj: i Polo vivevin a Vignesie zà prime dal an mîl.

Cuant che i disevin che çe che al veve dit no jere ere vêr, Marco Polo al rispuindeve che al veve contât dome la metât di çe che al veve viodût.