L'Imperi Otoman (in turc otoman: دولت علیه عثمانیه, Devlet-i ʿAlīye-yi ʿOsmānīye; in turc moderni: Osmanlı İmparatorluğu) al è stât un imperi transcontinental fondât te fin dal XIII secul tal Nord-Ovest de Anatolie dal cjâf tribâl turc Osman I.
Durât par plui di sîs secui (1299–1922), l'imperi al à dominât un teritori une vore grant che al comprendeve l'Europe sud-orientâl, il Medi Orient e il Nord Afriche, deventant un pont culturâl, politic e economic jenfri l'Occident e l'Orient.
Storie
Origjins e espansion (1299–1453)
Daspo' de fondazion par opare di Osman I, l'imperi al à scomençât une espansion costante te Anatolie e tai Balcans. Intal 1453, sòt de vuide dal sultan Maomet II (il Concuistadôr), i Otomans an cjapât Costantinopoli, metint fin al Imperi Bizantin. La citât ven clamade Istambul je deventade la gnove capitâl dal imperi.
L'Etât d'Aur (secui XVI–XVII)
Il pont plui alt dal splendôr politic, militâr e economic al è stât atôr dal secul XVI sòt dal ream di Saloman il Magnific (1520–1566). In tal sô pont plui alt, l'imperi si slargjave dal Mâr Caspi fin a lis puartis di Viene e dal Golf Persic fin al Maroc.
L'Imperi Otoman al controlave lis pi impurtantis vîs di cumierç jenfri l' Europe e Asie e al jere le plui fuarte potence militâr e navâl dal Mâr Mediterani.
Declin e riformis (secui XVIII–XIX)
A scomençâ de seconde metât dal secul XVII, daspo' de scunfite te Bataie di Viene (1683), l'imperi al à scomençât a pierdi teritoris tal Sud-Est European a favôr dal Imperi de Austrie-Ongjarie e de Russie.
Intal secul XIX, par cirî di fermâ la decadence e modernizâ lis straturis de burocrazie e dal esercit, son stadis promovudis lis riformis dal Tanzimat (1839–1876). Purie, i moviments nazionalists tai Balcans an puartât a l' indipendence di diviers paîs (come la Grecie, la Serbie e la Romanie), rindint l'imperi cognossût come "il malât d'Europe".
La fin dal Imperi (1914–1922)
Entrât te Prime Vuere Mondiâl insiemit a lis Potencis Centrâls (Gjermanie e Imperi de Austrie-Ongjarie), l'Imperi Otoman al è stât scunfît tal 1918. Il teritori al è stât ocupât e dividût jenfri liss potencis de Intese.
La reazion dal moviment nazionâl turc, vuidât dal gjenerâl Mustafa Kemal Atatürk, e à puartât a le Vuere di Indipendence Turche. Intal 1922 il Sultanât al è stât abolît e tal 1923 e è stade proclamade la Republiche Turche, marcjant la fin uficiâl dal Imperi Otoman.
Organisazion e societât
L'Imperi Otoman al jere une monarchie assolude teocratiche vuidade dal Sultan, che al cjapave ancje il titul di Calîf dal Islam. La societât e jere multietniche e multireligjôse: tranviers il sisteme dal millet, lis comunitâts religjôsis no islamichis (cristianis e ebraichis) a gjoldevin di une vaste autonomie juridiche e religjôse in cambi dal paiament di une tasse specjâl (la jizya).
Architeture, art e culture
La culture otomane je stade il risultât de fusion de tradizion turco-persiane cun la ereditât bizantine e islamiche. Il pîc artistic al è stât tocjât tal secul XVI, in particolâr cul architet di cort Mimar Sinan, autôr di oparis mestris come le Moschee di Suleymaniye a Istanbul e la Moschee Selimiye a Edirne.
L'art otomane al si è spressiade ancje te ceramiche di Iznik, te miniature imperiâl e te caligrafie, considerade la plui alte forme d'art figuratîve. La poesie di cort (le leterature dal Divan) e lis tradizions teatrâls popolârs (come il teatri des ombris di Karagöz) an costituît colonis impuartantis de vite culturâl dal imperi.
Organizazion militâr e i Janizars
La fuarce de espansion otomane dipendeve di une strature militâr altamentri organizade e inovative par i siei timps. La sô componente plui famose jere le fanterie elitarie dai Janizars (Yeniçeri), jentrâs tal esercit fin te piçule etât des famis cristianis des Balcans traviers il sisteme dal devşirme ("recuelte dai fruts"), convertîts al Islam e instruîts rigorosamentri par servî il Sultan.
L'esercit otoman al è stât ancje un dai prims te storie a doprâ in mût sistematic lis armis di fûc e lis artileris gresis (come tal assiedi di Costantinopoli tal 1453). Intal secul XIX, deventâts une caste conservadôre e pericolose par le stabilitât dal Stât, il cuarp militâr dai Janizars al vèn smantelât par opare dal sultan Mahmud II tal 1826.
Economie e vîs di cumierç
L'economie otomane e jere basade su la stete conession jenfri la agricolture e il cumierç internazionâl. Graziis ae sô posizion gjeografiche strategjiche jenfri l'Europe, l'Asie e l'Afriche, l'imperi al controlave i principâls passaçs de Vie de Sede e de Vie des Spezîs.
L'Imperi Otoman al garantive la sigurece dai mercjadants e des caravanis traviers un sisteme difondût di caravanseraîs (ponts di soste e sigurece par lis caravanis) e di citâts maritimis clâfs come Alessandrie, Smirne e Instanbul. Il cumierç internazionâl al generave un flus di jentradis fiscâls par mieç dai dazîs de dogane, mentri la produzion agricole (in particolâr tal Egjit e tal territori de Tracie) e garantive il sostentament dal imperi e dal esercit.
A scomençâ dal secul XVII, cun le scuvierte des Americhis e il disvilup des gnovis vîs maritimis oceanichis par opare des potencis europeanis (come la Spagne e il Portugal) a an sminuît l'impuartance centrale dal Mediterani, provocant une lente decadence economiche e fiscâli par l'imperi.
Rapuarts cun l' Ocident
I rapuarts tra l'Imperi Otoman e i Stâts europeans a son stâs marçjâts di une dople doplitât: di une bande une rivalitât militâr e ideologjiche, di chel âtre un intens scambi diplomatic, economic e culturâl.
Sòt dal pont di viste militâr, la avanzade otomane in Europe e à rapresentât par secui une menace par le cristiantât, rivant al colm cul assiedi di Viene (1529 e 1683) e cun la famose Bataie di Lepanto (1571).Il pragmatisim politic al à menât l'imperi a strenzi aleancis strategjichis cun potencis europeanis, come la famose aliance Franco-Otomane tal 1536 introdote dal sultan Saloman e dal re Francesc I di France.
Cul passâ dal timp, lis potencis ocidentâls an otignût lis cussi.ditis Capitulazions, une schiriedi tratâts commerciâls e gjurisdizionâls che a garantivin priviliegjs fiscâls e juridics ai mercjadants europeans tal territori otoman. Intal secul XIX, lis influencis ocidentâls an sburtât l'imperi a adotâ modêi aministratîfs, militârs e legjslatîfs europeans, in particolâr tal periodi des riformis dal Tanzimat
Bibliografie
- Robert Mantran, Storia dell'Impero Ottomano, Lecce, Argo, 1999.
- Caroline Finkel, Osman's Dream: The History of the Ottoman Empire, Basic Books, 2006.
- Suraiya Faroqhi, L'Impero Ottomano, Bologna, Il Mulino, 2008.
- Halil Inalcik, The Ottoman Empire: The Classical Age 1300-1600, Phoenix, 2000.
- Alessandro Barbero, Il divano di Istanbul, Palermo, Sellerio Editore, 2011.
Vôs coreladis
- Turchie
- Mustafa Kemal Atatürk
- Prime Vuere Mondiâl
- Imperi Bizantin
