Tekst üüb Fering
Jean-Jacques Rousseau [ʒɑ̃'ʒak ʁu'so] (* 28. Jüüne 1712 uun Genf; † 2. Jüüle 1778 uun Ermenonville bi Pariis) wiar en genfer skriiwer, filosoof, pedagoog, natüürforsker an komponist faan't Apkleering. Sin hoodwerk wiar Faan a Seelskapsferdrach of Prinsiipien faan't Stootsrocht (Du contrat social ou principes du droit politique; 1762). Hi naam en auergungssteling faan't Apkleering tu't Romantik iin. Hi saat en frei natüürtustant faan a lidj föörütj. Uun deheer lewet a mensk üüs stark ianselgunger hial uun't natüürelk order. Hi kön ham tutool üüb sin gefüül ferleet.
Werken
Rousseau sin wichtig werken san:
| Bilj | Tiitel üüb Fraansöösk an dootem |
Tiitel üüb Fering |
|---|---|---|
| Discours sur les sciences et les arts; 1750 | „Ufhanling auer a Wedenskapen an Konster“ Dat wiar sin iarst werk, wat hi ütjded an loket. Hi skreew uun detheer buk, dat konst an wedenskap det menskelk moraal korumpiar. | |
| Discours sur l’origine et les fondements de l’inégalité parmi les hommes; 1755 | „Ufhanling auer a Uursprüng an a Grünjlaagen faan't Ünlikhaid oner a Mensken“ Hi skreew uun detheer buk, dat priwaateegendoom at uursprüngelk kwel an grünjlaag faan aal ünlikhaid as. | |
| Julie ou la Nouvelle Héloïse; 1761 | „Julie of det Nei Heloise“ | |
| Du contrat social ou principes du droit politique; 1762 | „Faan a Seelskapsferdrach of Prinsiipin faan a Stootsrocht“ | |
| Émile ou De l’éducation; 1762 | „Emile of auer a Aptooch“ | |
| Les rêveries du promeneur solitaire; 1782 | „A Druumerein faan de Iansoom Luuper“ | |
| Les Confessions; 1782 an 1789 | „A Bekeenisen“ |
Luke uk diar
- Persöönelkhaiden faan't Apkleering: (uun Frankrik) Jean-Jacques Rousseau, Voltaire; (uun't Ferianigt Köningrik) Thomas Hobbes, David Hume, John Locke; (uun Holun) Baruch de Spinoza, (uun Tjiisklun) Henriette Herz, Marcus Herz, Immanuel Kant, Gottfried Wilhelm Leibniz.
