Wagneri Richard (Wilhelm Richard Wagner, sündünüq 22. lehekuu pääväl 1813 Leibzigin – koolnuq 13. radokuu pääväl 1883 Veneetsiän) oll' s'aksa viiemeistre, kiä kirot' suuri ni vahtsõ moodugaq oopõrit.
Elokäük
Varahanõ elo
Wagneri Wilhelm Richard sündü S'aksamaal Leibzigin 1813. aastagal viis kuud inne tuud, ku Napoleoni armee Rahvidõ Lahengin lüvväq sai. Välälaatsareten läts vallalõ soetõbi, miä levisi ka Leibzigi liina ja mink kätte Wagneri esä kuuli.