Twins (euskaraz Bikiak) 1988ko Ivan Reitman estatubatuar zinema zuzendariaren komedia filma bat da. Arnold Schwarzenegger eta Danny DeVito aktoreek antzeztu zuten.
Argumentua
Julius Benedict (Arnold Schwarzenegger) eta Vincent Benedict (Danny DeVito) zientzia esperimentu baten ondorioz jaio ondoren banatuak izan ziren anaiak dira, haurtzaroan umezurtz zirelako usteaz hazi zirelarik. Elkarren artean erabat ezberdinak diren anaiak dira, bai fisikoki nahiz izaera aldetik ere: Julius morrosko indartsua, atletikoa, intelektuala, gai guztietan jakitsu eta distiratsua eta oso zintzoa da, baina baita bizitzaren gauzetan xaloegia ere; aldiz, Vincent txiki, itsusia, umore txarreko kaskailua baina bizitzaren kontuetan eskarmentu handikoa eta oso axeria da. Bi anaiak elkar topatu eta senideak direla jabetzean, heuren ama biologikoa bilatzeari ekingo diote.
Aktoreak
- Arnold Schwarzenegger: Julius Benedict
- Danny DeVito: Vincent Benedict
- Kelly Preston: Marnie Mason
- Chloe Webb: Linda Mason
- Bonnie Bartlett: Mary Ann Benedict
- David Caruso: Al Greco
- Trey Wilson: Beetroot McKinley
- Marvin J. McIntyre: McKinleyren gizona
- Marshall Bell: Webster
- Tony Jay: Werner irakaslea/Narratzailea
- Hugh O'Brian: Granger
- Jason Reitman: Grangeren biloba
- Catherine Reitman: Grangeren biloba
- Nehemiah Persoff: Mitchell Traven irakaslea
- Maury Chaykin: Burt Klane
- Sven-Ole Thorsen: Sam Klane
- Gus Rethwisch: Dave Klane
- Richard Portnow: Chop dendako jabea
- Frances Bay: Ama Serora Nagusia
- Cary-Hiroyuki Tagawa: asiar gizona
- Elizabeth Kaitan: idazkaria
- Joe Medjuck: argazkilaria
- Nicolette Larson: abeslaria
- Jeff Beck: gitarrajolea
- Terry Bozzio: baterijolea
- Heather Graham: Mary Ann Benedict gaztea
- Robert Harper: Gilbert Larsen
Kanpo estekak
- Twins filmaren iragarkia ikusgai. Youtube.com (Ingelesez)
- Twins filmaren IMDBko fitxa irakurgai (Ingelesez)
