Tulkarem

3 min read
In 42 languages
On the map

Key facts

biztanleria92.272

azalera32,61km²

honako hau dahiri handi

estatu burujabePalestina

sorrera data3000 BC

itsas mailaren gainetiko altuera127m

gobernuburuaNasr Foqha

kontinenteaAsia

honako erakunde administratiboan dagoTulkaremgo Gobernazioa

dibisaShekel berri

All data from the card 15

Alkatea: Nasr Foqha
Izen ofiziala: طولكرمTulkarm
Jatorrizko izena: طولكرم
Posta kodea: P300-P309
Koordenatuak: 32°18′40″N 35°01′51″E / 32.3111°N 35.0308°E
Azalera: 32,61 km²
Altitudea: 127 m
Mugakideak: Far'un (en) , Kafr al-Labad (en) , Anabta (en) , Al-Jarushiya (en) , Nitzanei Oz (en) , Taibe (en) , Qalansawe (en) , Bat Hefer (en) , Izbat Shufa (en) , Deir al-Ghusun (en) eta Sha'ar Efraim (en)
Biztanleria: 92.272 (2025)
Dentsitatea: 2.830 bizt/km²
Sorrera: K.a. 3000
Telefono aurrizkia: 09
Hiri senidetuak: Meknes, Montpellier, Sena Saint-Denis, Marne Harana, Konya, Toscana eta Sesto Fiorentino
Matrikula: B
Hizkuntza ofiziala: arabiera

Tulkarem (arabieraz: طولكرم‎, Ṭūlkarm; hebreeraz: טול כרם‎) Zisjordaniako hiria da. Palestinako Estatistika Bulego Zentralaren arabera, 2017an 64.532 biztanle zituen. 1993ko Osloko Hitzarmenaz geroztik Palestinaren menpe dagoen hiria da. Mendebaldean Netanya israeldar hiria eta ekialdean Nablus eta Jenin palestinarrak ditu.

Klima

Datu klimatikoak (Tulkarem)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	17.0	17.5	19.6	23.9	24.2	28.3	29.0	30.0	27.9	26.0	23.0	19.2	22.76
Batez besteko tenperatura minimoa (°C)	8.9	8.7	10.5	13.6	17.2	20.6	23.0	23.6	20.7	18.5	14.1	10.9	15.54
Pilatutako prezipitazioa (mm)	124.9	92.2	52.8	23.6	2.7	2.8	2.2	0.7	1.2	28.0	77.4	135.5	538.3
Prezipitazio egunak (≥)	13.9	11.7	8.6	3.6	1.4	3.2	2.0	0.7	0.8	3.9	8.0	11.8	63.7
Iturria: Israelgo Meteorologia Agentzia

Demografia

Britainiar Mandatuko agintariek antolatutako 1922ko Palestinako zentsuaren arabera, Tulkaremek 3.350 biztanle zituen: 3.109 musulman, 208 kristau, 23 judu, 7 samariar, bahá'í bat eta druzo bat. 1931ko zentsuaren garaian, 4.827 biztanle zituen: 4.540 musulman, 255 kristau, 18 judu, 6 samariar eta druzo bat.

1967ko zentsuan, Tulkarem hiriak 10.255 biztanle zituen, eta aldiriak 5.020: Dhinnaba 1.342, Irtah 925, Shuweikah 2.332 eta Khirbet Jarrad 128, guztira 20.002. Biztanle gehienak musulmanak ziren, 103 kristauko komunitatea bazen ere.

Palestinako Estatistika Bulego Zentralak 1997an egindako lehen zentsuan, Tulkaremek 33.921 biztanle zituen eta iheslarien esparruak 5.884 biztanle. Palestinako iheslariak hiriko biztanleen %31,4 eta kanpamenduko biztanleen % 94 ziren. Biztanleen % 50.7 gizonezkoak ziren eta % 49.3 emakumezkoak. Erdia baino gehiago (% 52,2) 20 urtetik beherakoa zen, % 44,5 20 eta 64 urte bitartekoa eta % 4,1 64 urtetik gorakoa.

2007ko Palestinako Estatistika Bulego Zentralaren zentsuan Tulkarem hiriak 51.300 biztanle zituen, eta iheslarien esparruak 10.641. % 50,3 gizonezkoak ziren eta % 49,7 emakumezkoak.

Gaur egun ia biztanle guztiak musulmanak dira. 1967an Israelek hiria okupatu aurretik, 1.000 kristau inguru Tulkaremen bizi ziren, baina gutxi gorabehera komunitatearen erdiak emigratu zuen gerraren ostean, eta gainerako kristau gehienak geroago emigratu zuten. Bi familia kristauek Tulkaremen bizitzen jarraitzen dute, familia zabal bereko parte direnak. San Jurgiri eskainitako eliza ortodoxo bat dago hirian.


Urtea	Mota	Biztanleria
1548	Zentsua	1.040
1596	Zentsua	968
1860 hamarkada	Kalkulatua	1.000
1922	Zentsua	3.350
1931	Zentsua	4.540
1945	Zentsua	8.090
1961	Zentsua	11.401
1967	Zentsua	20.002
1997	Zentsua	39.805
2007	Zentsua	61.941
2017	Zentsua	64.532

Ekonomia

1948ko gerra baino lehen, nekazaritza sektorea garrantzitsua zen Tulkaremen. Alea, oliba eta fruituak, batez ere angurriak, ziren inguruko lurretan lantzen ziren nekazaritza-produktu nagusiak.