Peter Patrick Lorimer (Dundee, 1946ko abenduaren 14a - ibidem, 2021eko martxoaren 20a) eskoziar futbolaria izan zen. Leeds Uniteden eta Eskoziako selekzioan nabarmendu zen 1960 eta 1970eko hamarkadetan. Erdilari erasokorra izan zen txut boteretsuarekin. Leeds Uniteden historiako golegilerik handiena da, 238 golekin.
1962an egin zuen debuta Leeds Uniteden, hamabost urterekin. 39 urterekin erretiratu zen, 1985-86 denboraldiaren amaieran.
Eskoziako futbol selekzio nazionalan 1969ko azaroan debuta egin zuen. 21 partida jokatu zituen eta lau gol sartu. 1974ko Munduko Futbol Txapelketan parte hartu zuen.
Palmaresa
Leeds United
- Ingalaterrako Liga: 1968-69, 1973-74
- Ingalaterrako Kopa: 1971-72
- Ingalaterrako Futbol Ligako Kopa: 1967-68
- Community Shield: 1969
- Hirietako Ferien Kopa: 1967-68, 1970-71
