OK Computer Radiohead rock talde ingelesaren hirugarren diskoa da, 1997ko ekainaren 16an Parlophone diskoetxeak argitaratua. Taldeko kideek, Nigel Godrich soinu ingeniari eta ekoizlearen gidaritzapean sortu zuten diskoa, 1996 urtean zehar zein 1997ko lehenbiziko hilabeteetan. Diskoaren zati garrantzitsuena Ingalaterrako Bath hiriko St Catherine's Court jauregian sortu zuten. Lan honekin, talde ingelesak jauzi estilistiko nabarmena eman zuen, musika zein hitz aldetik influentzia berri ugari barneratuz. OK Computer lan kontzeptual gisa sailkatzen ez den arren, teknologia berrikuntzek gizakiarengan sortzen duten alienazio eta isolamendua dira abesti guztietan presente dauden ideia nagusiak, eta ideiok batasun eta kohesio nabarmena ematen diote disko osoari, ekoizpen oso landuarekin batera.
Kanpo estekak
Artikulu hau musikari buruzko zirriborroa da. Wikipedia lagun dezakezu edukia osatuz.
