Kimikan nitrazio bi erreakzio-klaseri esaten zaie.
Batetik azido nitrikoak ezein substraturekin duen erreakzioari esaten zaio, adibidez, glizerinaren esterifikazioa azido nitrikoz nitroglizerina sintetizatzeko. Kasu honetan, nitrogeno-atomoa katea karbonatuaren oxigeno-atomo bati lotzen zaio.
Bestetik, in strictum sensus, kimika organikoan konposatu batean nitro talde bat txertatzeari esaten zaio, etsenplurako, toluenoaren nitrazioa trinitrotoluenoa erdiesteko. Hauetan nitrogeno-atomoa katea karbonatuaren karbono-atomo bati edo beste nitrogeno-atomo bati lotzen zaio.
Erabilera
In strictum sensus nitrazioak erabilera industrial oparoa du, inportanteena delarik konposatu nitroaromatikoak sintetizatzea, adibidez, nitrobentzenoa. Lehergaien fabrikazioa aspektu inportantea izanik ere, sintesi kimikoan tarteko erreaktibo edo prekurtsore gisa asko usatzen dira nitrokonposatuak.
