Muskitz Nafarroa Garaiko kontzejua da, Imotz udalerrikoa. 1842ko erroldan udalerri osoari Músquiz izena ematen zitzaion. 2007ko urtarrilaren 1eko erroldaren arabera, herriak 63 biztanle zituen.
Demografia eta biztanleria
Argazki galeria
Euskara
Muskitzen Imozko euskara mintzatzen da, sortaldeko gipuzkeraren aldaera. Hiru eremu bereiz daitezke Imotzen. Ertz batean dago Muskitz, Atetzi eta Ultzamari begira dagoena; beste ertzean dago Goldaratz, Basaburu Nagusiarekin eta Larraunekin loturik; eta tartean daude Imozko gainerako herriak, Goldaratz-Basaburua-Larraun aldeko berrikuntza fonologikorik ezagutu ez dutenak baina Muskitz-Atetz-Ultzama alderdiko ezaugarrietatik bereiz samar. Esan beharra dago ez dagoela ezberdintasun handirik Imozko eta Basaburu Nagusiko hizkeren artean, fonologian ez bada. Aldea nabariagoa da Larraun aldera.
Kanpo estekak
- Imozko Udalaren web gunea. Bailararen azalpena
