Lost Command (euskaraz: «Komando Galdua»), 1966ko Mark Robson kanadar zinema zuzendariaren gerra-film bat da. Jean Lartéguy frantziar idazlearen Les Centurions (1960, Zenturioiak) eleberrian oinarritua dago. Anthony Quinn, Alain Delon, George Segal, Michèle Morgan, Maurice Ronet eta Claudia Cardinale aktoreek antzeztu zuten.
Bitxikeria gisa, Anthony Quinn aktoreak antzeztutako Pierre Raspeguy kolonela filmaren protagonista Ipar Euskal Herriko euskalduna da.
Sinopsia
1954, Frantziar Indotxinan Viet Minh vietnamdar erakunde komunistak Frantziako Armada garaitu berri du. Pierre Raspegury, frantziar paraxutista saileko euskal herritar teniente koronelak beren karguan ordezkatua eta bere erregimentua desegina izan delako albistea jaso du. De Clairefons kondesa alargunari esker, Aljeriako gerrara bake misio bat burutzera bidaliko dute, De Clairefons kondesak Raspeguryri handik jeneral karguaz itzultzen baldin bada berarekin ezkonduko dela hitzemango dio. Halere, Raspegury kementsua, Esclavier kapitaina eta beste hainbat arma lagun Vietnamen jasotako umiliazioa mendekatzeko aukera berri honetaz baliatuko du.
Aktoreak
- Anthony Quinn: Pierre Raspeguy teniente kolonela
- Alain Delon: Phillipe Esclavier kapitaina
- George Segal: Mahidi tenientea
- Michèle Morgan: Natalie de Clairefons kondesa
- Maurice Ronet: Boisfeuras kapitaina
- Claudia Cardinale: Aicha
- Grégoire Aslan: Ali Ben Saad doktorea
- Jean Servais: Melies jenerala
- Maurice Sarfati: Merle
- Jean-Claude Bercq: Orsini
- Syl Lamont: Verte
- Jacques Marin: Alkatea
- Jean-Paul Moulinot: De Guyot
- Andrés Monreal: Ahmed
- Gordon Heath: Dia
- Albert Simono: Sapinsky (edota Simono)
- René Havard: Fernand
- Armand Mestral: Administratiozoko ofiziala
- Burt Kwouk: Viet Minhko ofiziala
- Al Mulock: Mugnier
- Marie Burke: Raspeguy andrea
- Aldo Sambrell: Ibrahim
- George Rigaud: Apaiza
- Roberto Robles: Manuel
