Judy Singer australiar soziologoa da. Neuroaniztasun terminoa sortzeagatik ezaguna da.
Bizitza
Bigarren Mundu Gerran bizirik iraun zuen ama judu baten alaba izanik, Judy Singer Australian hazi zen. Urte askotan, informatika aholkulari gisa lan egin zuen. Alaba bat izan zuen eta geroago ama bakar bihurtu zen. Alabarengan bere amaren zailtasun sozialen antza zuten ezaugarriak nabaritu zituen. Geroago, Singerren alabari Asperger sindromea (autismo mota bat) diagnostikatu zioten. Singerrek ere deskribatu du bere burua «autismoaren espektroaren nonbait» dagoen pertsona bezala.
Sydneyko Teknologia Unibertsitatean hasi zen soziologia ikasten eta desgaitasunaren ikasketetan sakondu zuen Britainia Handian eta Ameriketako Estatu Batuetan. 1990eko hamarkadaren erdialdean autistaren eta beste pertsona neurologikoki ezberdinen aktibismo birtuala jarraitzen zuen bitartean, batez ere Independent Living Mailing List (ILMV) foroan, Harvey Blume kazetaria ezagutu zuen. Neuroaniztasun terminoa asmatu zuen aniztasun neurologikoaren ideia irudikatzeko eta mugimendu sozial baten existentziaz pentsatzeko.
2016an, Neurodiversity: The Birth of an Idea liburua argitaratu zuen.
