James Mangold (New York, 1963 -) estatubatuar zinema zuzendaria da. Hainbat film zuzendu eta idatzi ditu eta, gainera, telebistan aritu da, non Men in Trees (2006-2008) NYC 22 (2011-2012) edota Vegas (2012-2013) zuzendu ditu.
Biografia
Bere gurasoak margolariak ziren. Columbiako Arte Eskolako Arte Zinematografikoko fakultatean eta Kaliforniako Arte Institutuan ikasi zuen. Geroago, Disney multinazionalaren Oliver & Company film animatuan parte hartu zuen.
Mangoldek Liv Tyler protagonista zuen Heavy (1995) filmarekin egin zuen debuta zuzendari gisa. Film horrekin Gijongo Zinema Jaialdiko saria lortu zuen bi kategoriatan, baita Sundance Film Festival saria ere. Girl, Interrupted (1999) filma ere filmatu zuen Winona Ryder eta Angelina Jolierekin, azken honek film honekin Oscar bat lortuko zuelarik. 2005ean arrakasta handiko beste film bat filmatu zuen: Walk the Line, Johnny Cashi buruzko film biografikoa, Reese Witherspoonentzat Oscar saria ekarri zuena.
Bigarren mailako rola ere jokatu zuen La cosa más dulce (2002) komedian. Mangold 1998tik dago ezkonduta Cathy Konrad zinema ekoizlearekin.
Filmografia
| Urtea | Filma | Zuzendaria | Gidoigilea | Oscar izendapen |
Oscar irabazle |
|---|---|---|---|---|---|
| 1988 | Oliver & Company | Bai | |||
| 1995 | Heavy | Bai | Bai | ||
| 1997 | Cop Land | Bai | Bai | ||
| 1999 | Girl, Interrupted | Bai | Bai | 1 | 1 |
| 2001 | Kate & Leopold | Bai | Bai | 1 | |
| 2003 | Identity | Bai | |||
| 2005 | Walk the Line | Bai | Bai | 5 | 1 |
| 2007 | 3:10 to Yuma | Bai | 2 | ||
| 2010 | Knight and Day | Bai | |||
| 2013 | The Wolverine | Bai | |||
| 2017 | Logan | Bai | Bai | 1 | |
| 2019 | Ford v Ferrari | Bai | 4 | 1 | |
| 2023 | Indiana Jones and the Dial of Destiny | Bai | |||
| 2024 | A Complete Unknown | Bai | Bai | 8 |
Kanpo estekak
- (Gaztelaniaz):[www.imdb.com/es-es/name/nm0003506/?reasonForLanguagePrompt=browser_header_mismatch James Mangold IMDb webgunean.]
