Interlaken Suitzako herri eta udalerri bat da, Berna kantonamendukoa. Interlaken-Oberhasli barruti administratiboko hiriburua da. Mugak: iparraldean Ringgenberg, ekialdean Bönigen, hegoaldean Därligen eta Matten bei Interlaken, eta mendebaldean Unterseen
Suitzako erdialdean dago, Alpeetatik hurbil. Aar ibaiak hiria zeharkatzen du.
Garai batean ehungintza izan zen herriko jarduera ekonomiko nagusia, baina, gaur egun, zerbitzuak dira jarduera nagusiak, turismoagatik. Bi tren-geltoki eta bi funikular ditu.
Interlaken herria Jungfrau mendia (4158 m) eta Jungfrau-Aletsch-Bietschhorn multzoa ikusteko abiapuntu nagusia da.
Historia
Herriaren izenak «aintzira artean» esan nahi du, Thun eta Brienz aintziren artean baitago. 1891 arte, herriak Aarmühle izena zuen. 1133 inguruan, agustindarren komentu bat eraiki zen herrian, eta 1528 arte iraun zuen.
Suitzako turismo-herririk zaharrenetariko bat da, eta, gaur egun ere, gehien bisitatzen den herrietakoa da oraindik. Goethe, Lord Byron eta Felix Mendelssohn, adibidez, Interlakenen egoten ziren tarteka.
Klima
 Datu klimatikoak (Interlaken (1981-2010)) 
| |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Batez besteko tenperatura maximoa (°C) | 3.1 | 5.1 | 10.1 | 14.1 | 18.8 | 21.9 | 24.4 | 23.5 | 19.3 | 14.4 | 7.7 | 3.8 | 13.9 |
| Batez besteko tenperatura (ºC) | -0.5 | 0.6 | 4.6 | 8.4 | 12.9 | 16.0 | 18.2 | 17.4 | 13.8 | 9.4 | 3.8 | 0.6 | 8.8 |
| Batez besteko tenperatura minimoa (°C) | -3.6 | -3.0 | 0.3 | 3.4 | 7.9 | 11.1 | 13.2 | 12.8 | 9.5 | 5.6 | 0.6 | -2.2 | 4.6 |
| Pilatutako prezipitazioa (mm) | 73 | 70 | 80 | 87 | 121 | 138 | 139 | 144 | 96 | 78 | 84 | 86 | 1196 |
| Prezipitazio egunak (≥ 1.0 mm) | 9.6 | 8.7 | 11.0 | 10.6 | 12.7 | 13.4 | 12.4 | 12.6 | 9.5 | 9.3 | 9.7 | 9.6 | 129.1 |
| Elur egunak (≥ 1.0 cm) | 4.6 | 4.7 | 3.1 | 0.4 | 0 | 0 | 0 | 0 | 0 | 0 | 1.1 | 3.2 | 17.1 |
| Eguzki orduak | 67 | 79 | 121 | 151 | 176 | 188 | 219 | 193 | 150 | 104 | 68 | 53 | 1570 |
| Hezetasuna (%) | 82 | 78 | 73 | 70 | 72 | 73 | 73 | 76 | 80 | 82 | 83 | 83 | 77 |
| Iturria: MeteoSwiss | |||||||||||||
Herri eta hiri senidetuak
- Ōtsu
- Scottsdale
- Třeboň
- Huangshan
- Zeuthen
