Fujian (福建 txinera sinplifikatuz), Txinako Herri Errepublikako probintzia baten izena da. Herriak, 121.400 kilometro koadroko azalera eta 2004ko erroldaren arabera 35.110.000 biztanle zituen.
Inguru naturala eta kokapena
Fujian Txinako Herri Errepublikako hego-ekialdeko probintzietako bat da, iparraldean Zhejiang probintziarekin, mendebaldean Jiangxi probintziarekin, eta hegoaldean Guangdong probintziarekin egiten du muga. Fujian ekialdean Taiwan dago, Taiwango itsasarteak banaturik. Txinako Herri Errepublika eta Taiwan bitartean dauden uharteetako batzuk Taiwanen eskuetan geratu ziren 1949an. Taiwanek administraturiko Kinmen uharteetan eta Lienchiang uharteetan 71.000 pertsona bizi ziren 2001eko erroldaren arabera.
Probintzia nahiko menditsua da, eta bertako esaera zahar batek dioenez "Hamar zati eginda, zortzi mendiak, bat ura eta bestea nekazaritza lurrak dira" (八山一水一分田). Ipar-mendebaldea menditsuagoa da, eta bertan daude Wuyi mendiak Fujian eta Jiangxi probintzien arteko mugan. Probintziako punturik altuena Huanggang mendia da, itsasoaren mailatik 2.157 metrora.
Klima
Probintziak, Txina hegoaldeko klima azpitropikala dauka, neguak nahiko epelak dira, eta udak euritsuak eta hezetasun handikoak. Asia hegoaldeko montzoi eta tifoiek eragin nabarmena daukate Fujianen ekainetik irailera bitartean, eta egun euritsuak jarraiak ez diren arren, ekaitz gogorrek maiz astintzen dute probintzia. Urteko batez-besteko prezipitazioak 1.400 eta 2.000mm bitartekoak dira, betiere ipar-mendebaldeko Wuyi mendietan ugariago.
Banaketa administratiboa
Fujian probintzia Azpiprobintzia hiri batek eta prefektura mailako zortzi hirik osatzen dute:
| Mapa | # | Izena | Txinera sinplifikatuz | Pinyineraz | Mota |
|---|---|---|---|---|---|
| 1 | Fuzhou | 福州市 | Fúzhōu Shì | Prefektura mailako hiria | |
| 2 | Xiamen | 厦门市 | Xiàmén Shì | Azpiprobintzia hiria | |
| 3 | Longyan | (龙岩市 | Lóngyán Shì | Prefektura mailako hiria | |
| 4 | Nanping | 南平市 | Nánpíng Shì | Prefektura mailako hiria | |
| 5 | Ningde | 宁德市 | Nánpíng Shì | Prefektura mailako hiria | |
| 6 | Putian | 莆田市 | Pútián Shì | Prefektura mailako hiria | |
| 7 | Quanzhou | 泉州市 | Quánzhōu Shì | Prefektura mailako hiria | |
| 8 | Sanming | 三明市 | Sānmíng Shì | Prefektura mailako hiria | |
| 9 | Zhangzhou | 漳州市 | Zhāngzhōu Shì | Prefektura mailako hiria |
Politika
Probintziako gobernadorea Huang Xiaojing da eta Txinako Alderdi Komunistako ordezkaria Fujianen Lu Zhangong.
Garraioa
Aireportuak
| Kokapen Hiria | NAZE | NAGE | Aireportuaren izena |
| FUJIAN | |||
| Fuzhou | ZSFZ | FOC | Fuzhou Changle Nazioarteko Aireportua |
| Longyan | LCX | Longyan Aireportua | |
| Quanzhou | ZSQZ | JJN | Quanzhou Jinjiang Aireportua |
| Xiamen | ZSAM | XMN | Xiamen Gaoqi Nazioarteko Aireportua |
| Wuyishan, Nanping | ZSWY | WUS | Nanping Wuyishan Aireportua |
Kanpo estekak
- (Txineraz) Fujian probintziako gobernuaren webgunea.
Artikulu hau Txinako geografiari buruzko zirriborroa da. Wikipedia lagun dezakezu edukia osatuz.
