Flatliners 1990eko Joel Schumacher estatubatuar zinema zuzendariaren beldurrezko thriller filma bat da. Kiefer Sutherland, Julia Roberts, William Baldwin, Oliver Platt eta Kevin Bacon aktoreek antzeztu zuten.
1990eko Soinu edizio onenaren Oscar Sariaren izendapena jaso zuen.
Urte honetan ere estreinatu zen Pretty Woman filma ospetsuarekin batera, ordurarte gaur egun aski ezaguna den Julia Roberts aktoreak protagonizatu zituen lehenbiziko bi filma garrantzitsuak izan ziren. Gainera, benetazko bizitzan Julia Roberts eta Kiefer Sutherland aktoreak bikote harreman bati hasiera eman eta ezkontzekotan ere egon ziren.
Argumentua
Medikuntzako bost unibertsitateko ikasle gaztek (Kiefer Sutherland, William Baldwin, Kevin Bacon, Oliver Platt eta Julia Roberts) heriotzaz haratago zer dagoen jakinminez euren buruekin esperimentatzea erabaki dute. Horretarako, monitoreetan euren bizi konstanteak heriotzaren marra horizontala erakutsi arte haietako bakoitzaren bihotz taupadak eta burmuinak une labur batez geldituaraziko dituzte. Une horretantxe hil berriaren gorputzaren berpiztea gauzatuko dute. Lehen saiakeraren arrakastaren ondoren, heriotz egoera horretan gero eta denbora gehiago egotea erabakiko dute.
Aktoreak
- Kiefer Sutherland - Nelson Wright
- Julia Roberts - Rachel Manus
- Kevin Bacon - Dave Labraccio
- William Baldwin - Joe Hurley
- Oliver Platt - Randy Steckle
- Kimberly Scott - Winnie Hicks
- Joshua Rudoy - Billy Mahoney
- Benjamin Mouton - Manus jauna
- Hope Davis - Anne Coldren
- Patricia Belcher - Edna
- Beth Grant - Etxekoandrea
Kanpo estekak
- Flatliners filmaren IMDBko fitxa irakurgai (Ingelesez)