Gizarte-zientzietan, estereotipoa talde edo beste gizarte-kategoria batean sailkatu ondoren, talde horretako pertsonei eta horien jokabideei buruz osatzen den aurreiritzi eta irudi sinplifikatua da, kulturalki nahiz orokortze-prozesu baten ondorioz eratua eta pertsonei zuzenean aplikatzeaz gainera ekoizpen kulturalean (literatura, komikia, zinema,...) ere maiz baliatzen dena. Gehienetan, estereotipoak ez datoz bat errealitatearekin eta horien aplikazioa secundum quid edo gehiegizko orokortze izeneko falaziaren ondorioa da.
Estereotipatzea esaldi, ideia edo irudi bat, behin eta berriro aldaketarik gabe errepikatzea da.
Estereotipoak indarkeria iturri izan daitezke; indarkeria matxistarena besteak beste:
"Indarkeria sexistaren inguruan gailentzen diren estereotipoek ideologia heteropatriarkalari erantzuten diote". Tania Martínez Portugal.
Roland Barthesek hala dio, Barbara Krugerren ikuspegitik ikusita: Indarkeria oro, estereotipo negargarri baten irudikapena da berez.
