Ĉi tiu artikolo temas pri urbo. Por samnoma provinco de Rusio rigardu la paĝon Samara provinco (Rusio). Por samnoma provinco de Filipinoj legu la artikolon Samara provinco (Filipinoj). Koncerne aliajn signifojn aliru la apartigilojn Samara (apartigilo) kaj Samaro (apartigilo).
Samara (ruse Самара) estas milionurbo en Samara provinco en Rusio. Samara estas la sesa plej granda urbo de la lando kaj estas grava universitata urbo. Laŭ la stato de 2025 en la urbo vivis 1 154 223 loĝantoj sur areo de 541 kvadrataj kilometroj, kio rezultigas loĝdenson de 2 133 loĝantoj/km². Samara estas sur maldekstra bordo de rivero Volgo (Волга).
Ĝi estis nomata Kujbiŝev (Куйбышев) ekde 1935 ĝis 1990. (Ekzistas ankaŭ la alia urbo Kujbiŝev en Novosibirska provinco en Rusio. Ankaŭ la alia urbo Bolgar en Tatarstano en Rusio antaŭe estis nomata Kujbiŝev.)
Bazaj informoj
Kodo de OKATO de la urbo (en jaro 2005) estas 36401.
La interurba telefona kodo estas 8462, la enurbaj telefonnumeroj estas sesciferaj (en jaro 2005).
Diferenco de la loka kaj moskva tempoj estas 1 horo (en jaro 2005).
En jaro 1959 la urbo havis 806 mil loĝantojn.
En jaro 2002 la urbo havis 1176 mil loĝantojn.
Geografio
Historio
Edukado
En Samara 14 universitatoj kaj aliaj altlernejoj funkcias, la plej fama okupiĝas pri spacoveturado.
Ekonomio
Samara estas urbo de la peza industrio. Dum la 2-a mondmilito fabrikoj por flugmaŝinoj translokiĝis el la okupitaj lokoj tien.
Trafiko
Samara havas internacian flughavenon kaj gravan fervojan stacidomon. La rivera haveno faras kontaktojn kun Volgogrado, Rostov, Nigra Maro, Kaspia maro, Niĵnij Novgorod, Moskvo kaj Balta maro. En la urbo krom la kutimaj vojaĝiloj ankaŭ metroo funkcias. Tramoj funkcias ekde la 25-a de februaro 1915.
Ĝemelurboj
Esperanto en Samara
En la urbo funkcias esperanto-klubo ekde la frua 20-a jarcento. Ĝi tenas kontaktojn kun la esperanto-klubo de Stuttgart, kiu estas ĝemelurbo de Samara.
Esperantistoj:
- Vladimir I. Ionesov;
- Vasilij Ĵeleznjakov (pioniro);
- Maria Prilepskaja;
- Elena Kuznecova.
