Biografio
Li estis filo de oraĵisto, kaj lernanto de la florenca pentristo Cosimo Rosselli, kiun li akompanis al Romo en 1481 post lia invito fare de Siksto la 4-a por partopreni en la ornamado de la flankaj muroj de la Siksta Kapelo: Piero kunlaboris en la freskoj Moseo kaj la Dek Reguloj kaj en la Montoprediko; honore al sia majstro li alinomiĝis post lia morto.
Lia verkaro enhavas montrojn de religia pentrarto, portretoj kaj mitologio. Li estis influita de Pollaiuolo, Leonardo da Vinci, Signorelli kaj finfine de Rafaelo kaj de la flandra pentrarto, ĉefe de Hugo van der Goes kaj lia Triptiko Portinari de la preĝejo de Sankta Egidio de la hospitalo de Santa Maria Nuova en Florenco, de kiu prenas modelon por siaj pejzaĝoj.
Lia klino al fantasto, lia emo al stranguloj kaj la aberaciaj formoj estis aliaj trajtoj de Piero di Cosimo kiu kondukos al remalkovro fare de la superrealistoj. Simila tendenco aperas ankaŭ en Botticelli. Lia originaleco kuŝas en liaj komponoj, sento de la naturo, intimeco kaj koloremo.
