| Por samtitola artikolo vidu la paĝon Nur. |
Nur-Montaro (turke Nur Dağları aŭ Amanos Dağları) estas montaro en Turkio, debranĉiĝo de Taŭruso en sud-sudokcidentan direkton. La montaro etendiĝas apud la Mediteranea bordo ĝis Libano. La plej granda pinto altas 2 240 m, nomata Bozdağ, sed la plej konata estas Musa Dağı, kiun eternigis Franz Werfel en lia romano La Kvardek Tagoj de Musa Dagh.
La havenurbo İskenderun situas ĉe okcidenta piedo de Nur-Montaro. La okcidentaj kaj orientaj rokoj konsistas el ardeza kerno kaj mantelo el kretacea kalko. Oni minas tie ferercon.
