Lienjunan, laŭ simpligita ĉina skribo 连云港, laŭ tradicia ĉina skribo 連雲港, laŭ pinjino Liányúngǎng, laŭ poŝto Haichow (=Urbo de Maro) estas prefektujnivela milionurbo, grava mara havenurbo kaj universitata urbo en provinco Ĝjangsuo en Ĉina Popola Respubliko. La loknomo devenas de la mara insulo Lien kaj la monto Juntai, ilia traduko estas "Haveno Konektanta la Nubojn".
Loĝantaro
En 2020 la prefektujnivela loĝantaro estis 4 599 360.
Geografio
La prefektujnivela teritorio situas laŭ Flava Maro kun 205 kilometrojn longan marbordon kaj kovras areon de 7 777 km². Proksimume 33 malgrandaj insuloj kuŝas apud la marbordo. La areo administras ses distriktnivelajn dividojn.
Historio
Lienjunan estas unu el la unuaj 14 ĉinaj marbordaj urboj fare de la imperia registaro en 1905, kiuj malfermiĝis al la ekstera mondo, kaj estas kreskanta centro por industrio, internacia komerco kaj turismo en orienta Ĉinio. Dum la historio multe da administraj ŝanĝoj okazis, fine en 1962 estis deklarita la prefektujnivela urbego.
Ekonomio
Proksime funkcias nuklea centralo, preskaŭ la plej granda en Ĉinio. La areo ankaŭ estas riĉa je natura kristalo, el kio oni fabrikas produktaĵojn. La Ekonomia kaj Teknologia Evoluiga Zono de Lienjunan estis aprobita en 1984.
Edukado
En la prefektujnivela areo universitato kaj 2 altlernejoj funkcias.
Trafiko
Lienjunan estas la orienta finstacio de la Nova Eŭrazia Terponto kaj la proponita Norda Orienta Okcidenta Varkoridoro. La haveno havas proksimajn celojn en Sud-Koreio kaj suda Japanio, krome ĝi havas oportunan transporton inkluzive de aŭtovojoj, fervojoj, haveno kaj flughaveno.
Klimato
La klimato estas humida musona subtropika klimato laŭ klimata klasifiko de Köppen: Cwa kun kvar apartaj sezonoj, malvarma kaj seka vintre, varma kaj pluva somere. Estas sufiĉa sunlumo kaj modera pluvokvanto. Jare pluvas po 905 mm. En ĉiuj monatoj pluvas, ne nur dum musono. La pluvo kulminas julie, vintre malofte neĝas. La averaĝa jara temperaturo estas 15 °C kaj varias 10-20 °C.
Vidindaĵoj
