.JPG?width=1280)
Eemsmond (Emsbuŝo) 53° 24′ N; 06° 40′ E Mapo (loĝantoj je la 1-a de junio 2005: 16.721) estas antaŭa municipo en Norda Nederlando, en la provinco Groningen. La municipo havas areon de 551,24 km² (de kiu 361,00 km² akvo).
La antaŭa municipo oni nomis tiel ĉar ĝi situas je la norda bordo de Groningen, kie la rivero Emso enfluas la Vadomaron.
La tuta areo (je la unu flanko nederlanda, je la alia flanko germana) estas konata kiel Eemsmondgebied (Emsbuŝoareo).
Subdivido
La municipo Eemsmond konsistas el la sekvaj vilaĝoj: Eemshaven, Eppenhuizen, Kantens, Noordpolderzijl (Noordpolder), Oldenzijl, Oldorp, Oosteinde, Oosternieland, Oudeschip, Roodeschool, Rottum, Rottumeroog, Rottumerplaat, Startenhuizen, Stitswerd, Uithuizen, Uithuizermeeden, Usquert, Warffum, Zandeweer kaj Zevenhuizen.
La vilaĝo Stitswerd havas la plej altan poŝtkodon de Nederlando nome 9999.
Ekde la 1-a de januaro 2019 ekestis la municipo Het Hogeland, el fuzio de Eemsmond kun la municipoj Winsum, Bedum kaj De Marne.
Publika transporto
Estas fervojlinio de Groningen al Roodeschool kun stacioj en Usquert, Uithuizen, Uithuizermeeden kaj Roodeschool. Por ŝarĝvagonaro la relvojo kontinuas pluen al la Emshaveno.
Busoservoj en la municipo estas:
- linio 41: Uithuizen-Uithuizermeeden-Roodeschool-Oosteinde-Spijk (busoŝanĝo al Delfzijl-Appingedam)
- linio 61: Uithuizen-Usquert-Rottum-Kantens-...-Bedum-Groningen
- linio 62/662: Uithuizen-Zandeweer-Loppersum
Plue foriras de la Emshaveno pramo al la germana insulo Borkum.
Eksteraj ligiloj
- oficiala retejo Arkivigite je 2001-02-03 per la retarkivo Wayback Machine
| Provinco Groningo | |
|---|---|
| Eemsdelta | Groningo | Het Hogeland | Midden-Groningen | Oldambt | Pekela | Stadskanaal | Veendam | Westerkwartier | Westerwolde | |
| Nederlando | Provincoj | Municipoj | |
