Carl Ferdinand Cori

Carl Ferdinand CORI, RSL (5a de decembro, 1896 – 20a de oktobro, 1984) estis ĉeĥ-usona biokemiisto kaj farmakologo naskiĝinta en Prago (tiam en Aŭstri-Hungario, nune en Ĉeĥio) kiu, kun sia edzino Gerty Cori kaj la argentina fiziologo Bernardo Houssay, ricevis Nobel-premion en 1947 pro sia malkovro kiel glikogeno (animala amelo) – derivaĵo de glukozo – estas diserigita kaj resintezigita en la korpo, por ties uzado kiel stokado kaj fonto de energio. En 2004, ambaŭ estis proklamitaj National Historic Chemical Landmark (Nacihistoriaj Kemiaj Mejloŝtonoj) rekone al sia laboro kiu klarigis la metabolon de karbohidratoj.