Carl Blechen

Carl Eduard Ferdinand BLECHEN (naskiĝis la 29-an de julio 1798 en Cottbus - mortis la 23-an de julio 1840 en Berlino) estis germana pejzaĝisto kaj profesoro ĉe la Akademio de Artoj de Berlino, specialiĝanta pri mirindaj pejzaĝoj, foje kun demonoj kaj groteskaj figuroj. Lia distinga stilo estis karakteriza por la romantikaj idealoj de natura beleco.

Lia verko distingiĝis per sia devio de akademiaj konvencioj, vivecaj koloroj, riĉaj lumefektoj, kaj etoso limanta al fantazio. Ĉirkaŭ la fino de sia vivo, li suferis pro severa depresio kaj mortis trofrue en psikiatria hospitalo.

Dum sia vivo, li ne estis agnoskita pro la graveco, kiun li ĝuas nuntempe. Li estas konsiderata unu el la plej elstaraj pejzaĝistoj de germana arto tuj post Caspar David Friedrich. Lia stilo ĉiam oscilis inter realismo kaj romantismo. Li celis pentri el la naturo, ekstere. Li faris tion per multaj skizoj uzante akvarelon aŭ krajonaĵon, kvankam li ankaŭ uzis oleon kaj plumon. Li estis bonega desegnisto kaj akvarelisto. Sed ĉi tiuj observaĵoj el la naturo servis kiel bazo por liaj grandformataj kanvasoj. En ili, li prezentas apartajn pejzaĝajn efikojn, kaj kromatajn kaj vidajn, kaj reflektas tipe romantikan, pliigitan senton. Lia pentrado iom post iom alprenis ĉiam pli sombran etoson. La efikoj de lumo anticipas Impresionismon. Liaj pejzaĝoj finfine fariĝis kaj subjektivaj kaj realismaj, en la sama maniero kiel Menzel poste sekvos.