Tony Randall

Aryeh Leonard Rosenberg, cgnusû méj cuma Tony Randall (Tulsa, 26 ad Favràr dal 1920 - New York, 17 ad Maǵ dal 2004, a s lèś [ˈtəʊniː ˈrændəl] in ingléś) 'l è stâ 'n atōr, còmig e cantànt americàṅ, vinsidōr d'n Emmy Award in dal 1975 par la part ad Felix Ungar in dla série televiśìva La strana coppia che lò 'l à fat in còpia cun Jack Klugman par 114 puntàdi.

Al gh'à na stéla in dla Hollywood Walk of Fame.

Uriginàri dna famìja ebrèja d'l Oklahoma, Randell 'l à tacâ la sò caréra da atōr in dal 1942 faghénd dal part piculìni in dal thriller sentimèntàl Sabotatori 'd Alfred Hitchcock e Casablanca ad Michael Curtiz par pò dar in di an la sò vōś par soquànt persunàǵ di cartòṅ animâ dla Walt Disney Pictures cuma Le avventure di Ichabod e Mr. Toad, Cenerentola, Alice nel Paese delle Meraviglie, La spada nella roccia, Gli Aristogatti, Red e Toby nemiciamici, Basil l'investigatopo e Bianca e Bernie nella terra dei canguri.

In séguit 'l à catâ spasi in La bionda esplosiva (1957), in còpia cun la Jayne Mansfield, e in Il gioco dell'amore (1959), cun la Debbie Reynolds, par pò lauràr a fiànc ad Rock Hudson e dla Doris Day in dal cumèdi Il letto racconta (1960), Amore ritorna! (1961) e Non mandarmi fiori (1964).

In dal 1962 'l à recitâ in dal drama Due settimane in un'altra città, insém a Kirk Douglas e a la Rosanna Schiaffino, e 'l à fat la part 'd òṅ di quàt'r óm ch'i tōś'n in afìt 'n apartamènt par purtàr-'g a tùran la Kim Novak in dla cumèdia Venere in pigiama méntar tri an dòp al s è mis in pagn dal detective Hercule Poirot in dal film Poirot e il caso Amanda (1965).

In di an Stanta a 'l ém vist in dla cumèdia ad Woody Allen Tutto quello che avreste voluto sapere sul sesso* *ma non avete mai osato chiedere mént'r in dal 1982 'l à tòlt part a la cumèdia dramàtica Re per una notte cun Robert De Niro e Jerry Lewis.

A la fiṅ di an Utànta 'l à dâ vita a 'l National Actors Theatre ad New York. In dal 1990 'l à ardupiâ 'l gremlin Brian in Gremlins 2 - La nuova stirpe. Fra i sò ùltim lavōr a 'rcurdém al thriller Fatal Instinct - Prossima apertura (1993), insém a la Sherilyn Fenn e a la Sean Young, e la cumèdia Abbasso l'amore (2003) cun la Renée Zellweger e Ewan McGregor.

'L à laurâ dimóndi da spés anc in televiśiòṅ tulénd part, fra i àtar, a i telefìlm General Electric Theater, Scacco matto, L'ora di Hitchcock, Happy Days, L'impareggiabile giudice Franklin (par quarànta-quàt'r epiśòdi), Con affetto, tuo Sidney (par quarànta-quàt'r puntàdi), La piccola grande Nell e Due papà da Oscar.

Dòp la mòrt dla sò prima mujēr, la Florence Mitchell, in dal 1975 al s è spuśâ cun l'atōra Heather Harlan, ad sinquànt'an più śōvna, ch'la gh'à dâ dū fiōi: la Julia Laurette (1997) e Jefferson Salvini (1998).

• 1942 - Sabotatori (Saboteur), regìa 'd Alfred Hitchcock
• 1942 - Casablanca, regìa ad Michael Curtiz
• 1948 - La fossa dei serpenti (The Snake Pit), regìa 'd Anatole Litvak
• 1957 - Le donne hanno sempre ragione (Oh, Men! Oh, Women!), regìa ad Nunnally Johnson
• 1957 - La bionda esplosiva (Will Success Spoil Rock Hunter?), regìa ad Frank Tashlin
• 1957 - Un urlo nella notte (No Down Payment), regìa ad Martin Ritt
• 1959 - Il gioco dell'amore (The Mating Game), regìa ad George Marshall
• 1959 - Il letto racconta (Pillow Talk), regìa ad Michael Gordon
• 1960 - Le avventure di Huck Finn (The Adventures of Huckleberry Finn), regìa ad Michael Curtiz
• 1960 - Facciamo l'amore (Let's Make Love), regìa ad George Cukor
• 1961 - Amore ritorna! (Lover Come Back), regìa ad Delbert Mann
• 1962 - Venere in pigiama (Boy's Night Out), regìa ad Michael Gordon
• 1962 - Due settimane in un'altra città (Two Weeks in Another Town), regìa ad Vincente Minnelli
• 1963 - L'isola dell'amore (Island of Love), regìa ad Morton DaCosta
• 1964 - La più allegra avventura (The Brass Bottle), regìa 'd Harry Keller
• 1964 - Le 7 facce del Dr. Lao (7 Faces of Dr. Lao), regìa ad George Pal
• 1964 - Non mandarmi fiori! (Send Me No Flowers), regìa ad Norman Jewison
• 1964 - I 4 di Chicago (Robin and the 7 Hoods), regìa ad Gordon Douglas
• 1965 - Un leone nel mio letto (Fluffy), regìa 'd Earl Bellamy
• 1965 - Poirot e il caso Amanda (The Alphabet Murders), regìa ad Frank Tashlin
• 1966 - Il nostro uomo a Marrakesh (Our Man in Marrakesh), regìa ad Don Sharp
• 1969 - L'incredibile casa in fondo al mare (Hello Down There), regìa ad Jack Arnold
• 1971 - Willy Wonka e la fabbrica di cioccolato (Willy Wonka & the Chocolate Factory), regìa ad Mel Stuart
• 1972 - Tutto quello che avreste voluto sapere sul sesso* *ma non avete mai osato chiedere (Everything You Always Wanted to Know About Sex* *but Were Afraid to Ask), regìa ad Woody Allen
• 1973 - The All-American Boy, regìa ad Charles Eastman
• 1975 - La banda delle frittelle di mele (The Apple Dumpling Gang), regìa ad Norman Tokar
• 1979 - Scavenger Hunt, regìa ad Michael Schultz
• 1980 - The Gong Show Movie, regìa ad Chuck Barris
• 1980 - Foolin' Around, regìa ad Richard T. Heffron
• 1982 - Pigs e Freaks (Pigs vs. Freaks), regìa ad Dick Lowry – Film TV
• 1982 - Re per una notte (The King of Comedy), regìa ad Martin Scorsese
• 1988 - Salvate il cane (Save the Dog!), regìa ad Paul Aaron – Film TV
• 1989 - L'uomo dall'abito marrone (The Man in the Brown Suit), regìa 'd Alan Grint – Film TV
• 1989 - That's Adequate, regìa 'd Harry Hurwitz
• 1989 - It Had to Be You, regìa ad Joseph Bologna e dla Renée Taylor
• 1993 - Fatal Instinct - Prossima apertura (Fatal Instinct), regìa ad Carl Reiner
• 2003 - Abbasso l'amore (Down with Love), regìa ad Peyton Reed
• 2005 - It's About Time, regìa ad Kevin Shinick

• (IT) Filmugrafìa in s'l IMDb

• Wikimedia Commons contiene file multimediali su Tony Randall