|
C'l artìcul chè 'l è scrit in Miranduléś |
Birmingham (a s lèś [ˈbɜrmɪŋəm] in ingléś) l'è na sità dal Régn Unî ch'la s cata in dal sèntar dl'Inghiltèra, in dla cuntèa dal West Midlands. La fà 1.123.330 abitànt (dat stimâ dal 2014) e dònca l'è la secónda sità più granda dal paéś dòp Lóndra.
L'è sèmpar stada na sità industriàla ma cun la criśi dal 2008 l'è pasàda piutòst a 'l tersiàri, cun banchi (Lloyds Bank e Midland Bank), asicurasiòṅ e cumèrs.
La squàdra 'd balòṅ dla sità l'è 'l Aston Villa F.C.. In Śugn a sa gh śōga un turnèo Premier ad tènis riservâ a 'l fémni.
A Birmingham i s èṅ furmâ i Black Sabbath e i Judas Priest, dū di grup heavy metal più impurtànt ad sèmpar, e pò anc i Duran Duran e i Fine Young Cannibals.
L'è śmèla ad dū sità itagliàni: Milàṅ e Bulógna.
Persunàǵ ligâ a Birmingham
- Neville Chamberlain, prim minìstar dal Régn Unî
- J. R. R. Tolkien, scritōr
- Daniel Evans, tenìsta
- Ali Campbell, cantànt di UB40
- Rob Halford, cantànt di Judas Priest
- Ozzy Osbourne, cantànt di Black Sabbath e da par lò
- Geezer Butler, basìsta di Black Sabbath
- Bill Ward, baterìsta di Black Sabbath
- Tony Iommi, chitarìsta di Black Sabbath
- Nick Rhodes, tastérista di Duran Duran
- John Taylor, basìsta di Duran Duran
- Roger Andrew Taylor, baterìsta di Duran Duran
- Roland Gift, atōr e cantànt di Fine Young Cannibals
Culegamènt estéran
- (EN) Al Sit uficiàł
