Taylor Swift

Koposion Pogulu

Nosusu ii Taylor Alison Swift ontok 13 Momuhau 1989 id West Reading, Pennsylvania. Pinomungaran yau tumanud do monondig-monuat sinding ii James Taylor om tinomod nonuan ngaran ko iso ii unisex. Tapa dau ii Scott Kingsley Swift, nopo nga songulun broker saham montok Merrill Lynch om tama dau Andrea Gardner Swift (née Finlay), pakaraja sabaagi do eksekutif papadang dana miamung. Tadi kusai di Swift, Austin nopo nga songulun mimingkono'. Goduduo diolo nopo nga mantad tinaru Scotland, Inggeris om Jerman miampai kotinoruan Itali om Ireland tokuri. Todu id ponong tama diolo Marjorie Finlay (née Moehlenkamp) nopo nga songulun mononondig Opera, om sinding id gereja nopo nga sala iso kaandaman pogulu Swift kokomoi muzik ii minomontuk do karajaaon dau.

Minangai ii Swift do toun-toun pogulu dau id dumo puun krismas id Pennsylvania ii noboli do tapa dau mantad sala iso momomoli dau om minangaayi do timpu alasu id walai suti do paganakan dau id Stone Harbor, New Jersey hinombo haro piipiro timpu momonsoi yau do kopokitanan sinding akustik id iso kadai kupi kinoiyonon. Ugama nopo dau nga kristian om poinsikul id tadika miampai prasekolah id Montessori ii pinomuruanan di Bernardine Sisters of St. Francis pogulu minundaliu id Sikul Wyndcrift. Soira do minindaliu paganakan dau id Wyomssing suminikul yau id sikul takawas om sikul tosiriba id kinoiyonon Wyomissing. Masaan do tanak po yau nga misingkono nogi yau id produksi Berks Youth Theatre Academy om insaru misoguli kumaa id New York City montok tumanud kalas vokal om singkono. Tupus pogulu dau montok muzik country nopo nga narahung di Shania Twain, Patsy Cline, LeAnn Rimes om Divie Chicks, om mangaayi yau do timpu koiyoon do minggu montok poposolimbou kopokitanan id festival om abaabayan kinoiyonon. Kahapas mintong do dokumentari kokomoi Faith Hill kigaab yau montok montok momogusa karajaaon muzik country id Nashville, Tennessee.

Ontok umul id 11 toun, mimpanau miampai tina dau montok tumombului saduran karaoke Dolly Parton om Dixie Chicks. Amu yau notorimo do toinsanai label om mantad ahal di minongunsuub dau montok manahak torodok kumaa ponuatanan sinding. Tuminumpuun yau do misingilo popouni gitar ontok 12 toun miampai poguhupan mantad songulun mononong kompiuto ii nogi songulun pemuzik kinoiyonon om minonguhup nogi dau do monuat sinding original. Ontok toun 2003, Swift om molohing dau nokotimpuun do kumalaja miampai monorupu do muzik id New York ii Dan Dymtrow. Mantad poguhupan dau, nokosiliu Swift sabaagi model montok Abercrombie & Fitch om haro sinding sandad ii poinsuang id piomungan CD Maybelline. Kalapas minonondig do sinding-sinding sandad id sangkad RCA Records, id umul 13 toun noonuan ii Swift do batos kopotundaan artis om nokotimpuun momonsoi panahon di togumu id Nashville miampai tama dau. Montok monguhup di Swift do sumuang id muzik country, pinoundaliu yau do tapa dau hilo id Merrill Lynch's Nashville office masaan do 14 toun yau, om minindaliu paganakan di id Hendersonville, Tennessee. Suminikul ii Swift id Hendersonville High School pogulu minindaliu id Aaron Academy duo toun kahapas dii, hinombo lobi osonong montok nuludan timpu tombului dau masaan do pambalajalan id walai. Sontoun kahapas di nakaayi yau sikul sontoun osopung.

2004-2008: Kotimpuunon kalajaon om album ko iso

Id Nashville, minitabang ii Taylor Swift miampai do monunuat sinding id Music Row miagal ko Troy Verges, Brett Beavers, Brett James, Mac McAnally om The Warren Brothers, om minoguridong do piantakan kalaja id timpu di alaid miampai di Liz Rose. Tumininpuun yolo do minapaanjul sesi ponuatan sinding solinaid duo jam monikid sosodopon tadau mirod kahapas do sikul. Minoboros ii Rose do sesi di sabaagi iso mantad di tosonong ii koumbal do winonsoi, Yoho nopo nga songulun monunting dau. Yau monuat do nunu ii nokoindalan id sikul ontok tadau dii. Haro visi dau di otolinahas kokomoi do nunu ii maan patahako om rumikot yau miampai do 'hook' di labus andang. Ontok umul 14 toun, nokosiliu ii Swift sabaagi do artis tomulok ii nosoinan do Sony/ATV Tree Music Publishing. Namaan dau induanai RCA Records tu okuri pongimurian om label di nogi nga "momutul do aasil tulun suai." Agagau nogi yau tu pibatasan kopotundaan nopo nga mangantob artis, om momohulit kaggu: "Oroso ku kopio-kopio do okuri no timpu, Manu oku do momotiip do toun-toun koposion ku id iso album kaagu do kakal po do mobi id nunu ii awayaan ku".

Id iso kopokitanan industri id Cafe Bluebird ontok 2005, nakagayat ii Swift di Scott Borchetta, songulun eksekutif DreamWorks Records ii masaan do mamalan montok popoturidong do iso label tiip obibas, Big Machine Records. Koinsan nopo dau do nokoruba di Borchetta nga ontok toun 2004. Ii Swift nop nga sala iso artis ko iso ii minanain do kontrak miampai Big Machine, om minomoli tapa dau do koigitan soginumu 3 piatus id syarikat di miampai aagaga palaburan soginumu $120,000. Tuminimpuun yau do kumalaja montok album ko iso dau ii momoguno do ngaran dau sondii miampai papalabus ii Nathan Chapman. Minonuat ii Swift toi ko' nakaamung do monuat kaagu sinding id album dii miampai tambalut monuunuat ii Liz Rose, Robert Ellis Orrall, Brian Maher om Angelo Petraglia. Album di Taylor Swift ii nokosoliwan ontok Gumas 2006, nokorikot id sawat do taang kolimo carta US Billboard 200, om kakal id carta solinaid 157 minggu—timpu tanaru montok hombo-hombo album id Amerika Syarikat id dekad 2000-an. Nokosiliu ii Swift sabaagi artis kumo iso muzik country ii minonuat toi ko' tuminanud monuat monikid sinding id album debut ii nakaanu sijil platinum.

Masaan do kinosoliwanon do single poinlobi "Tim McGraw" kakal po id taang timpuun o Big Machine Records ontok Mahas 2006, hinombo minonguhup do minapahali ii Swift om tama dau maya momolopot om papaatod dalin CD single dii kumaa id stesen radio country. Minangaai ii Swift do soboogian tagayo toun 2006 montok papahali Taylor Swift maya tumbului radio om koimbulayon id tilivision; nokosiliu yau sabaagi pongukab montok tinimungan Rascal Flatts id piipiro tadauwulan tumbului diolo ontok toun 2006, minowoli di Eric Church. Nokoboros ii Borchetta do mulong pia tambalut id industri tumimpuun do amu asaga miampai kootusan dau montok manain do songulun mononondig-monupu sinding kiumul 15 toun, nakalantoi ii Swift do mamagayat badi wagu—tondu nosukod ii mokinongou do muzik country.

Kalapas di "Tim McGraw", apat kaagu single nokosoliwan solinaid do toun 2007 om 2008: "Teardrops on My Guitar", "Our Song", "Picture to Burn", om "Should've Said No". Toinsanai nokosoliwan id carta Hot Country Songs Billboard, miampai "Our Song" om "Should've Said No" nokodimpot do taang ko iso. Minoposiliu "Our Song" di Swift sabaagi tulun tomulok ii minonuat om sumininding do sinding sondii id carta Hot Country Songs, om "Teardrops on My Guitar" nopo nga sinding ii minongukab do kinalantayon di Swift id radio om carta perdana. Minoposoliwan ii Swift do duo EP: The Taylor Swift Holiday Collection ontok Gumas 2007 om Beautiful Eyes ontok Madas 2008. Insaru yau papahali do album debut dau sabaagi pongukab montok tumbului artis country suai ontok toun 2006 om 2007, kohimpit nogi George Strait, Brad Paisley, miampai Tim McGraw om Faith Hill.

Nakamanang ii Swift do mogikaakawo gaa montok album Taylor Swift. Yau nopo nga sala iso manganu gaa Monunuat Sinding/Artis Toun diti mantad Koisaan Monunuat Nashville ontok 2007, minoposiliu dau sabaagi tulun di tomulok montok manganu monunduk dii. Nakamanang nogi yau do Gaa Horizon montok Artis Wagu tosonong mantad Koisaan Muzik Country, Artis Tondu Wagu Tosonong mantad Akademi do Gaa Muzik Country, om Artis Tondu Country Kasanangan montok kategori Artis Wagu Tosonong id Gaa Grammy Toun ko-50. Ontok toun 2008, insan po kaagu minongukab yau do kopokitanan montok Rascal Flatts. do haro piromutan toniba dau miampai mononondig Joe Jonas.

2008 - 2010: Fearless

Album studio kumoduo di Swift, Fearless, nopo nga nokoimbulai ontok Milau 2008 id Koibutan Amerika, om ontok Gomot 2009 id taran suai. Id Billboard 200, Fearless sumiwat do 11 minggu id numbul ko iso, nokosiliu sabaagi do carta takawas ko iso di Swift om ii alaid do id kinoiyonon ko iso songulun tondu montok album country. Album di nopo nga sala iso do album di alaku ontok 2009 id US. Single apangkal dau, "Love Story", nopo nga ko iso do naanu dau id kinoiyonon ko iso id Australia om koinsan montok sinding country ii nokosuang id sinding takawas Pop Billboard's, om single ko tolu dau "You Belong with Me', nopo nga sinding country di kumo iso ii nokosuang id sinding takawas Billboard's montok toinsanai genre sinding Radio. Tolu kaagu single dau nopo nga pinalabus ontok 2008-2010: "White Horse", "Fifteen", and "Fearless". Toinsanai limo single dau di nopo nga poinsuang id Country Songs top 10 miampai "Love Story" om "You Belong with Me" id kinoiyonon takawas do carta dii. Ontok 2009, tuminumbului ii Swift sabaagi kotimpuunon montok Keith Urban om minonimpuun do tumbului ko iso dau, ii no tu Fearless Tour.

"You Belong with Me" nopo nga nakamanang do Video Tondu Tosonong id Gaa Sinding MTV 2009. Kopolombusan do koonuan gaa dau nopo nga nongoi kasaho di Kanye West, iso kaantakan ii nokosiliu sabaagi do subjek do kontrovesi om kopulion media di osiwang. Ontok toun di nakamanang ii Swift do limo gaa Artis do Toun Diti om Album Kaanangan Pogun. Pinomungaran yau do Billboard sabaagi Artis do Toun Diti ontok 2009. Nakamanang yau do Video do Toun diti pm Video Tondu Toun diti montok "Love Story" id Gaa Muzik CMT 2009, hinombo minomonsoi yau do video paraodi sinding di miampai T-Pain roitan sabaagi "Thug Story". Id Gaa ko-52 Sontounan Grammy, Fearless nopo nga pinomungaran do Album Toun diti om Album Pogun Tosonong, om "White Horse" nakamanang do Sinding Pogun Tosonong om Kopokitanan Vokal Tondu Pogun Tosonong. Id Gaa Puru Muzik Pogun 2009, nakamanang ii Swift Album Toun diti montok Fearless om pinomungaran sabaagi Pomolihis Toun diti, tulun id bobos tomulok nakaramit do gaa dii.

Solinaid do 2009, nokoimbulai Swift om minonuat sinding montok kolobusan artis suai. Nokoimbulai yau id sinding "Half of My Heart" mantad John Mayer, hinombo nokopiromut sabaagi sontoloyo dau ontok toun 2009. Minonuat yau do "Best Days of Your Life" montok Kellie Pickler, miampai do minonuat om nokoimbulai id Boys Like Girls' "Two Is Better Than One, om minonuat duo sinding "You'll Always Find Your Way Back Home" om "Crazier"—montok soundtrack do Hannah Montana: The Movie, hinombo nokoimbulai nogi yau id cameo do Movie dii. "Today Was a Fairytale" montok soundtrack do Valentine's Day (2010), ii nakapatanda nogi sabaagi debut do singkono dau. "Today Was a Fairytale" nopo nga single numbul ko iso dau id carta Canadian Hot 100. Montok Red, kuminalaja ii Swift miampai di Chapman om kohimpit do produser wagu kohimpit ii Max Martin, Shellback, Dan Wilson, Jeff Bhasker, Dann Huff, om Butch Walker, kopogowit do genre soliwan tiip ii minoposuang do kawo ekletik do pop om rock miagal ko' Britrock, dubstep om sayau-pop. Album di noukab id numbul ko iso id Billboard 200 miampai kinapadagangon soginumu 1.21 riong. om album di nopo nga album ko iso di Swift id UK. Single poinlobi "We Are Never Ever Getting Back Together" nopo nga iso album singol dau di kumo iso nokosuang id Billboard Hot 100, singol kotolu, "I Knew You Were Trouble" nokorikot id carta limo pomogunan. singol suai mantad Red nopo nga "Begin Again", "22", "Everything Has Changed", "The Last TIme" om "Red".

Masaan do moniip Valentine's Day ontok Gumas 2009, minuhang ii Swift miampai tambalut singkonoTaylor Lautner. Id tilivision, minomonsoi yau do koimbulaian ko iso sabaagi ahapakan id CSI: Crime Scene Investigation montok iso episod om nokosiliu sabaagi hos om artis naalap muzik id Saturday Night Live; yau nopo nga hos tondu ko iso ii minonuat do monolog montok koukabaan dau sondii.

2010 - 2014: Speak Now and Red

Album studio ko-tolu di Swift's, Speak Now (2010), ii pinorilis ontok 8 Gumas 2010. Sinuat di Swift maya eksklusif, album di nokoimbulai id Billboard 200 miampai iso riong US dalin nakadagang id minggu ko iso om no kosiliu sabaagi album digital tosiau di pinadagang do artis tondu. Sinokodung o Speak Now do onom tiip single: "Mine", "Back to December ", "Mean", "The Story of Us", "Sparks Fly", om "Ours" miampai "mine id numbul ko-tolu om sala iso single id carta bobos takawas id Billboard Hot 100, tolu single ko iso nopo nga nokorikot id top 10 id Canada., du di tohuri nopo nga nokorikot id numbul ko iso id Sinding Talasu Pogun. pinapahali ii Swift do Speak now miampai Speak Now World Tour mantad Mansak 2011 gisom Gomot 2012 om album Speak Now World Tour – Live. Id Gaa Koubasanan Grammy ko-54 ontok 2012, minopokito ii Swift do "Mean", hinombo nakamanang do Sinding Tosonong Pogun om Kopokitanan Solo Tosonong Pogun. Pinomungaranan yau do Monunuat Sinding Toun dii mantad Piisaan Monunuat Sinding Nashville (2010 om 2011) Tondu do Toun di mantad Billboard (2011), om Pomolihis Toun di mantad Akademi Muzik Pogun (2011 om 2012).Id Gaa Muzik Amerika 2011, nakamanang ii Swift do Artis toun dii om Album Kasanangan Pogun. Rolling Stone pinomungaran Speak Now poinsuang id 50 Album Tondu Tosonong Timpu Poimponu (2012).

Album kumaapat di Swift, Red nopo nga nokosoliwan ontok Gumas 2012. Id album Red, minisokodung ii Swift miampai di Chapman om produser wagu kohimpit ii Max Martin, Shellback, Dan Wilson, Jeff Bhasker, [./Https://en.wikipedia.org/wiki/Dann_Huff Dann Huff], omButch Walker, minomonsoi iso album mogikaakawo genre ii popiamung do gaya pop om rock miagal ko Britrock, dubstep om dance-pop. Album diti nokosuang id taang ko iso id carta Billboard 200 miampai kinapadagangan soginumu 1.21 riong om iso album ko iso di Swift ii nokorikot do taang ko iso id UK. Single poinlobi "We Are Never Ever Getting Back Together" nopo nga lagu dau di kumo iso ii nokosuang id taang tasawat carta Billboard Hot 100, om single ko tolu dau "I Knew You Were Trouble", nokodimpot do taang limo takawas id carta toinsanai pogun. Single suai mantad Red nopo nga "Begin Again", "22", "Everything Has Changed", "The Last Time", om "Red".

Red om single "Begin Again" nakaanu tolu kinosuangon id Gaa Koubasanan Grammy ko-56 (2014). Nakaanu ii Swift do Gaa Muzik Amerika montok Artis Tondu Pogun Tosonong id toun 2012, Artis Tosonong Toun Diti ontok toun 2013, om Gaa Monunuat Sinding/Gaa Artis mantad Koisaan Monunuat Sinding Nashville montok toun ko limo om ko onom misuhut-suhut. Id Gaa Koisaan Muzik Country 2014, nonuan ii Swift do kapantangan miampai Gaa Pinnacle, minoposiliu dau sabaagi mononorimo kumoduo id sajara kalapas di Garth Brooks. Nokoindalan o Red Tour mantad Gomot 2013 gisom Mahas 2014 om nokosiliu sabaagi tumbului country miampai koonuan takawas kalapas do naayi.

Tuminolobus ii Swift monuat do sinding montok filem om nakaampai id sinding artis suai. Id The Hunger Games (2012), minonuat om minoniip ii Taylor Swift do"Eyes Open" om "Safe & Sound"; ii tohuri sinuat miampai do tininmungan the Civil Wars om T-Bone Burnett. Nakamanang o "Safe & Sound" do Gaa Grammy montok Sinding Tosonong Nosuat montok Media Visual. Minonuat om minapaasil yau do "Sweeter than Fiction" miampai di Jack Antonoff montok runut tuni One Chance (2013). Tuminanud ii Swift id sinding do B.o.B "Both of Us" (2012) om minopotounda vokal montok Tim McGraw ii no tu "Highway Don't Care" (2013), nakaamung nogi ii Keith Urban. Nokosiliu nogi yau sabaagi mimingkono' rolou id The Lorax (2012), nokopomonsoi nogi yau do kinoimbulayon poimbida id New Girl (2013), om haro kono sokodung id filem distopia The Giver (2014). Mantad 2010 gisom 2013, haro pionitan romantik di Swift miampai mimingkono' Jake Gyllenhaal, tumungkus politik Conor Kennedy, om mononondig ii Harry Styles.

2014-2018: 1989 om Tingisaman

Id Gomot 2014, tuminimpuun ii Swift do mion id Kakadayan New York, whinombo noonuan yau kredit sabaagi mamarahung kreatif montok album studio ko limo dau, 1989.Minopotolinahas yau kokomoi 1989 sabagi album pop "poimagon" om minapalabus album di miampai di Jack Antonoff, Max Martin, Shellback, Imogen Heap, Ryan Tedder, om Ali Payami. Nakalabus ontok Gumas 2014,potilombus do nokosuang id taang ko iso id carta Billboard 200 miampai 1.28 riong dalin nakadagang. Single dau "Shake It Off", "Blank Space", om "Bad Blood" nakaanu taang ko iso id Australia, Canada, om nogi US, miampai duo di minoposiliu di Swift sabaagi tondu kumo iso suminowoli do sondii id taang takawas carta Hot 100. Single suai dau kohimpit "Style", "Wildest Dreams", "Out of the Woods", om "New Romantics". Tumbului Pomogunan 1989 (2015) nopo nga tumbului miampai koonuan takwas toun dii miampai koonuan soginumu $250 riong.

Kalapas do minapalabus do iso op-ed id The Wall Street Journal ii poposotol kokomoi do kapansalan album sabaagi medium kreatif montok artis, ontok November 2014, naanu kaagu di Swift katalog muzik dau mantad platform strim amu bayaran ii sokodungon do iklan miagal Spotify. Id surat poingukab ontok Mahas 2015, namaan dau barasu Apple Muzik tu amu minambayar do royalti kumaa artis masaan do timpu pongumbalan tolu tulan amu bayaran om mompuronok do mamagayat muzik dau mantad platform dii, ahal diti minongunsuub Apple Inc. montok minopopoilo do maan diolo bayarai artis solinaid do timpu pongumbalan ii amu bayaron. Pinotonduli kaagu do Big Machine Records katalog di Swift kumaa Spotify om platform strim amu bayaran suai ontok Mahas 2017.

Pinomungarn kaagu ii Swift sabaagi Tondu Billboard Toun diti ontok 2014, nokosiliu sabaagi artis ko iso ii nakamanang do gaa di soginumu do induo. id Gaa Muzik America ontok 2014, nakaanu ii Swift do Dick Clark Award for Excellence ii koinsan nogi do pinointutun. Ontok tadau kinosusuon dau di ko-25 ontok 2015, minongukab o Muzium Grammy id L.A. Live do kopokitanan poimbida montok mamantang dau id Los Angeles ii nokoindalan gisom do 4 Gumas 2015. Ontok toun 2015, nakamanang ii Swift do Gaa Brit montok Artis Tondu Solo Sompogunan Nakamanang sinding Bad Blood" do Video do toun om Best Collaboration id Gaa MTV Video Muzik 2015. Ontok Gaa Grammy ko-58 (2016), nakamanang Album Toun di om Album Vokal Pop Tosonong, pinoposiliu di Swift sabaagi tondu ko iso montok nakamanang do Album Toun di soginumu do induo.

Miniuhang ii Swift di DJ Calvin Harris mantad di Gomot gisom Mahas 2016. Miniamung yolo do monuat sinding "This Is What You Came For", ii popokito vokal mantad di Rihanna; pogulu nopo nga nonuan kredit ii Swift momoguno do pogundadait Nils Sjöberg. Minoniip yau do "I Don't Wanna Live Forever" miampai di Zayn Malik montok runut tuni Fifty Shades Darker (2017) om nakamanang do Gaa Koisaan Muzik Country miampai sinding "Better Man", ii nosuat dau montok tinimungan Little Big Town. Ontok Ngiop 2016, minapalabus ii Kanye West single "Famous",hinombo sumuku yau di Swift id lirik sinding, "I made that bitch famous." Namaan di Swift barasai ii West om minimboros do amu yau koumbal manahak kasagaan montok lirik di, nga minonondos ii West do nakaanu yau kasagaan mantad di Swift, om sawo dau ontok dii i Kim Kardashian minoposoliwan do klip video pibarasan tolipaun di Swift om ii West ii okito do osuau. Kontroversi diti nakapanahak bagas kumaa di Swift hinombo nokosiliu yau sabaagi tiruon "cancel" id talian. Ontok kolimpuupuson do toun 2016, kalapas do pionitan toniba miampai di Tom Hiddleston, Tuminimpuun o onom toun pionitan di Swift miampai di Joe Alwyn om minogidu yau mantad kokitanan tulun ginumuan.

Ontok Magus 2017, nakalantoi ii Swift do minopoguli kaagu dawa' di David Mueller, bagas pakalaja radio montok KYGO-FM, ii minamadawa' dau montok kinatagakan kalaja'on. Apat toun pogulu dii, minopoilo ii Swift do bos dau do minabarana om mingigit ii Mueller dau id iso abaabayan. Kontroversi diti minamarahung do album studio ko onom di Swift, Reputation, ii minoninganai bagas koingkawasan montok tinan dau sondii om minopiamung do electropop miampai gaya urban mantad hip hop omR&B. Nakalabus ontok Milau 2017,nokosuang o Reputation id sawat do carta Billboard 200 miampai 1.21 riong US kinapadagangon om nokorikot id taang takawas id UK, Australia, and Canada. Album single poinlobi dau "Look What You Made Me Do", nopo nga single ko iso di Swift ii nokodimpot do taang ko iso id UK om nogi carta id Australia, Ireland, New Zealand, om id US. Single dau "...Ready for It?", "End Game", om "Delicate" nopo nga nakalabus id radio pop. Reputation nopo nga nokosuang montok Gaa Grammy montok Album Pop Vokal Tosonong. Nakaampai nogi ii Swift id duo country Sugarland "Babe" (2018).

Id Gaa Muzik Amerika 2018, Nakamanang ii Swift id apat pialaan, ii minoposiliu ginumu toinsanai trofi dau kumaa 23 om minoposiliu dau sabaagi pomuzik tondu id bobos takawas nakamanang gaa id sajara AMAs, minangala di Whitney Houston. Ontok toun di nogi, minonimpuun yau do Tumbului Stadium Reputation, ii nokosiliu sabaagi tumbului konsert miampai koonuan takawas id sajara Amerika Koibutan om nakaanu $345.7 riong sompomogunan.

2018-2021: Lover, Folklore om Evermore

Ontok Milau 2018, minanain ii Taylor Swift do pibatasan wagu miampai Tinimungan Muzik Universal, ii minapalaku do album-album sumusuhut dau id siriba cap Republic Records. Kontrak di nopo nga kohimpit do klausa ii popomilo di Swift montok popotimporon kosongonuan dau montok tiip sandad (masters) dau. Suai ko ii, sokiro do padagangon do Universal hombo-hombo boogian dau id Spotify, haro kasagaan montok popotikid boogian aasil dagangan dii kumaa artis maya amu milo pokionuon kaagu.

Album kumoiso di Swift miampai do Republic Records nopo nga Lover i pinorilis ontok Magus 2019. Winonsoi dau album di miampai di Antonoff, Louis Bell, Frank Dukes om Joel Little. Nokorikot Lover id taang takawas id carta pogun-pogun miagal ko Australia, Kanada, Ireland, Mexico, Norway, Sweden, United Kingdom (UK) om Amerika Syarikat. Album diti minapaasil do Me!","You Need to Calm Down","Lover", "The Man" om "Cruel Summer"; duo single koiso ii nokorikot id taang koduo id Billboard Hot 100 om single tohuri ii nokodimpot do kinalantayon kaagu ontok toun 2023, nokodimpot do taang kumoiso. Lover nopo nga iso album di alaku ontok toun 2019 id US om album alaku mantad artis solo id soliri pomogunan. Album diti om single-sinlge dau nakaanu do tolu kinosuangan id Gaa Grammy Toun ko-62 ontok toun 2020. Id Gaa Video MTV 2019, nakamanang ii Swift do tolu gaa kohimpit Video Toun dii montok "You Need to Calm Down", pinoposiliu di Swift sabaagi tondu ko iso om artis koduo maya koinsanai nakamanang do kategori dii montok video di winonsoi sondii.

Masaan do mamahali Lover id 2019, nakaampai ii Swift do pisongkiwalan miampai monurupu kalalayan. Scooter Braun kalapas do minomoli yau do Big Machine Records, kohimpit do tiip induk (masters) album-album di Swift ii namaan polobuso do label dii. Minoboros ii Swift do minumbal yau do momoli kaagu tiip induk dii, nga kasagaan di tinahak do Big Machine nopo nga sokiro do monimban yau do iso album wagu montok monikid album pogulu id siriba do kontrak wagu ii amu dau soinan. Ontok Madas 2020, tuminimpuun ii Swift do moniip kaagu katalog pogulu dau ii nakaanu dau do mananganu tiip induk wagu om hak lisin montok sinding-sinding dau montok kogunoon komersial, minonowoli tiip induk ii nasanganu di Big Machine.

Ontok Mansak 2020, minanain ii Swift do pibatasan kopomolobusan global miampai Universal Music Publishing Group kalapas do kontrak dau solinaid 16 toun miampai Sony/ATV naayi. Masaan do pandemik COVID-19 ontok 2020, sigog ii minoposoliwan ii Swift do duo album miadi-adi ii notiip om pinalabus miampai Antonoff om Aaron Dessner:Folklore ontok Mahas om Evermore ontok Momuhau. Minonuat nogi kadau ii Alwyn om minapalabus do piipiro sinding id siriba ngaran pongundadait William Bowery. Goduo-duo album di minopokito produksi indie folk; Monikid dii nopo nga namaan sokodungo do tolu single ii nama potiruo kumaa format radio po, country om triple A id Amerika Syarikat. Single di nopo nga "Cardigan", "Betty", om "Exile" mantad Folklore, om "Willow", "No Body, No Crime", om "Coney Island" mantad Evermore. Folklore nopo nga album di alaku toun 2020 id Amerika Syarikat om miampai "Cardigain", ii minoposiliu di Swift sabaagi artis kumoiso ii debut album nopo nga id taang ko iso om sinding numbul koiso id Amerika Syarikat ontok minggu di miagal; nakaanu kaagu yau do kinalantayon di miampai Evermore om "Willow".

Tumanud do Billboard, ii Swift nopo nga songulun momolihis miampai bayaran takawas id Amerika Syarikat om artis solo miampai bayaran takawas id pomogunan ontok toun 2020. Minoposiliu Folklore di Swift do tondu koiso ii nakamanang do Gaa Grammy montok Album Tosonong soginumu do intolu, soira do nakamanang yau id kategori di id Gaa Koubasanan Grammy ko-63 (2021). Id Gaa Muzik Amerika, nakamanang ii Swift do tolu gaa kohimpit Artis Tosonong montok timpu kotolu (2020) om Favorite Pop/Rock Female Artist om Preferred pop / rock album. (2021). Minongigit ii Swift do kono Bombalurina id filem adaptasi muzikal Cats mantad Andrew Lloyd Webber (2019), hinombo minonuat nogi yau kadau om minoniip do sinding sandad "Beautiful Ghost" ii nokosuang id Gaa Golden Globe. Dokumentari Miss Americana, ii minoniip do soboogian koposion om kalaja di Swift, pinokito id Festival Filem Sundance 2020.

2021–2023: Poniipan kaagu om Midnights

Tiip kaagu montok onom album studio koiso di Swift, notimpuunan do Fearless (Taylor's Version) om Red (Taylor's Version), ii pinorilis ontok Ngiop om Milau taun 2021.  Goduo-duo album nokosuang id taang takawas do Billboard 200, om album tiip kaagu ko iso ii nakalantoi. Nosoguluanan o Fearless (Taylor's Version) do "Love Story (Taylor's Version)" ii minoposiliu Swift sabaagi artis kumoduo kalapas Dolly Parton ii haro versi sandad om versi tiip kaagu sinding ii nokorikot id taang ko iso id carta Hot Country Songs. Red (Taylor's Version) nopo nga nosokodung do "All Too Well (10 Minute Version)" ii nokosiliu sabaagi sinding tanaru id sajara ii nakaanu do nokodimpot taang ko iso id Hot 100.

Album studio kohopod di Swift, Midnights ii nopo nga nakalabus ontok Oktober 2022. Album dii nopo nga popointalang tuni electropop om synth-pop ii aadang miampai elemen hip hop, R&B om electronica. Id Amerika Syarikat, Midnights nopo nga album ko-limo di Swift ii nokorikot id taang ko iso ii nokolobi do iso riong dalin, om sinding-sinding dau miampai "Anti-Hero" ii poinlobi, minoposiliu di Swift sabaagi artis koiso ii minomuruan do toinsanai 10 kinoiyonon takawas id carta Hot 100. Id taang sompomogunan album diti minababak do rikud strim togumu id timpu sangadau om id timpu do iso minggu id Spotify miampai id kinoiyonon carta takawas agaaga ko 14 id pogun-pogun. Duo single sumusuhut mantad album diti, "Lavender Haze" om "Karma", goduo-duo nakaanu taang koduo id Billboard Hot 100.

Tumanud do Billboard, ii Swift nopo nga artis solo miampai koonuan takawas id Amerika Syarikat om momolihis miampai koonuan takawas id pomogunan ontok toun 2021. Nakamanang yau do onom Gaa Muzik Amerika kohimpit do Artis Toun dii ontok 2022. Id Gaa Video Muzik MTV, nakamanang ii Swift do trofi ko tolu om kaapat montok Video Toun dii maya All Too Well: The Short Film, tisuhu dau sondii ii tinanud do "All too well (versi 10 minit), ontok 2022 om "Anti-Hero" ontok 2023 Masaan diti nogi nakamanang ii Swift do tolu Gaa Grammy: Video Muzik Tosonong montok All Too Well (Filem Toniba) om Album Vokal Pop Tosonong om Album Toun Dii montok Midnights. Nokosiliu ii Swift sabaagi artis ko iso ii nakamanang do Album Toun di soginumu do ingapat id sajara do Grammy.

Duo kaagu album tiip kaagu di Swift, Speak Now (Taylor's Version) om 1989 (Taylor's Version), nakalabus ontok Madas om Gumas 2023. Speak Now (Taylor's Versionn) minoposiliu Swift sabaagi tondu miampai ginumu album numbul iso togumu id sajara Billboard 200 nakaala di Barbra Streisand, om 1989 (Taylor's Version) nokosiliu sabaagi album koonom di Swift ii nakadagang do lobi iso riong dalin id timpu iso minggu id Amerika Syarikat, miampai kinapadagangan sominggu tagayo id kalaja dau. Single mantad 1989 (Taylor's Version) "Is It Over Now?" nokorsuang do taang ko iso id Billboard Hot 100. Nokosuang ii Swift id "Renegade" do Big Red Machine om "Birch" (2021), "Gasoline" id Haim (2021), "The Joker and the Queen" diEd Sheeran (2022), om "The Alcott" id the National(2023). Montok runut tuni filem Where the Crawdads Sing (2022), minonuat om minoniip yau do "Carolina", ii nokosuang id Best Original Song id Golden Globes om Best Song Written for Visual Media id Gaa Grammy. Suai ko muzik, haro nogi kono ponokodung di Swift id filem komedi kokomoi timpu Amsterdam (2022).

Ontok 2023, ii Swift nopo nga artis id bobos togumu ii nostrim id Spotify,, Apple Muzik om Muzik Amazon; miampai artis ko iso id ponorikohonon ko iso id katayadan Billboard kolimpuupuson toun montok tolu ahapadan di misuai (2009, 2015 and 2018). Nasanganu dau limo mantad hopod album talaku id Amerika Syarikat ontok toun 2023, iso rikud solinaid mantad nokotimpuun Luminate do mogintong kapadagangan Muzik id Amerika Syarikat ontok toun 1991.

2023-dinondo: Tumbului Eras om The Tortured Poets Department Swi

Ontok Gomot 2023, minonimpuun ii Swift do the Eras Tour, ii kahangkum do toinsanai album studio dau. Minoruput o Media maya osiwang kokomoi bagas tinaru om ekonomi global do tumbului diti, om boogian tumbului id Amerika Syarikat nokopomonsoi rikud sabaagi ginumu tiket togumu ii nakadagang id timpu sangadau. Ticketmaster nakaanu babarasan tulun ginumuan om politik tu noruntum do minongulud kinapadagangan tiket tumbului diti maya osonong. Tumbului Eras nokosiliu sabaagi tumbului miampai aasil koonuan takawas id sajara. Nakatayang filem konsert,id pawagam ontok 13 Gumas 2023, nakaanu lobi $250 riong om nokosiliu sabaagi filem konsert miampai koonuan takawas, om nakaanu ngaran montok Gaa Golden Globe montok kinodimpoton Cinematic om Box Office. Iso buuk gambal, The Eras Tour Book, nakalabus ontok 29 Milau 2024, om nakadagang lobi riong dalin montok minggu ko iso id Amerika Syarikat sondii.

Album kohopod om iso di Swift The Tortured Poets Department, nopo nga nakalabus ontok 19 Ngiop 2024. Album diti nokosuang id catra takawas id toinsanai pogun om nakababak do piipiro rikod: nokosiliu sabaagi album ko iso ii nokorikot do 1 billionstrim id Spotify ontok timpu minggu ko iso id Amerika Syarikat; minoposiliu di Swift sabaagi artis ko iso ii nakadagang 2.6 riong unit id timpu sominggu ii minanganu 14 taang takawas Billboard Hot 100 om taang 10 do Australia montok ARIA Singles Chart; om kakal solinaid do 17 miggu id taang numbul ko iso Billboard 200—timpu id bobos talaid montok hombo-hombo album di Swift. Single poinlobi, "Fortnight", miampai di Post Malone, nokosiliu do sinding numbul ko iso ko-12 di Swift id Hot 100.

Kalapas do pandemik, kolobusan do muzik di Swift, tumbului om abaabayan di kohimpit minopoingkawas do populariti dau id taang di amu insan do nodimpot pogulu diti. Tumimpuun do 2023, nokodimpot ii Swift do kinalantayon poingtongkop maya labus andang maya do kinalantayon tiip kaagu, Tumbului Era, filem konsert dau, Midnights, om The Tortured Poets Department, ii nokoingkawas kadau do gatang dau maya atalang. Music Business Worldwide popotolinahas do kouyuuyuo di sabaagi "iso stratosfera wagu id kinalantayon kalaja global" montok di Swift. Nokosiliu kaagu ii Swift sabaagi artis miampai strim togumu id Spotify ontok 2024. Ontok Mikat 2025, binoli di Swift kaagu tiip induk montok onom album studio sandad dau mantadShamrock Holdings.

Tuminpuun ii Swift do miuhang di Travis Kelce ontok 2023. Ontok Milatok 2024, gambal sosomu AI ii popokito di Swift id konteks mimbuul namaan polobuso id Twitter om nakawara kumaa id platform media sosialsuai, minopoimbulai do kritikan om kinsansagan montok reformasi kooturan. Ontok Madas 2024, nakaanu ii Swift om Kelce do ugutan mamatai mantad stalker id Gelsenkirchen, Germany, om tolu tanak napatai mantad bubukon tobokon id bengkel miampai tema Swift id Southport, England, ii nokopogowit do katagadan tulun ginumuan id UK. Ontok Magus kotolu-tolu konsert Tumbului Eras id Vienna amu nokoindalan kalapas do nagakom suspek ii minamalan do sagadan Pogun Silam (ISIS)-miampai rahung teroris id kakadayan di. Palan diri noitutunan do Mato-mato Amerika Syarikat om namaan pokiraro do tinimungan Pulis Austrian.

Kouyuuyuo Muzik

Minogumbal ii Taylor Swift do mogikaakawo genre muzik solinaid do kalaja dau, miampai sinding-sinding dau nosompipi sabaagi pop, country, folk, rock, om alternative. Rahung do muzik pogulu mantad mononondig tondu country toun 1990-an miagal ko ii Shania Twain, Faith Hill, LeAnn Rimes, and the Dixie Chicks, om Keith Urban ii popiamung do roromu rock, pop, om blues. Ointutunan dau tinan dau sondii sabaagi momolihis country om nakaanu kobontungan sabaagi momosinding country pop maya apat album studio ko iso dau mantad Taylor Swift to Red. Album-album diti popokito do roromu country miagal ko banjo, onom-string banjo, mandolin, fiddle, om vokal twang, miampai melodi pop om rahung rock; Popokito Speak Now do woyo pop rock, pop-punk, om arena rock 1980-an. Haro momoboros do roromu country id muzik di Swift lobi popokito do woyo ponuatan naratif dau lobi ko muzik om minonondos dau do napalid muzik country mantad tuni sandad dau.

Kalapas do pisongkiwalan koronob kokomoi woyo muzik pop, rock om elektronik id Red, Minomili ii Swift do synth-pop 1980s sabaagi tuni poinlobi montok woyo pop om gambal wagu dau, ii narahung do muzik di Phil Collins, Annie Lennox, Peter Gabriel, om Madonna.1989, nopo nga album ko iso id wayaan diti popiamung do kouludan elektronik ii nowonsoi mantad synthesizers om mesin drum. Pinalaab kaagu di Swift kapamansayan elektronik id suang do album-album di sumusuhut; Reputation narahung do hip hop, R&B, om EDM; om Lover popokito elemen mogikaakawo miagal ko country, pop-punk, om folk rock. Soira do nakaakun ii Swift do kointutunan dau sabaagi artis pop, momoboros rockist sumuku do laang di sabaagi do kapamaraagan sandad ponuatan sinding country dau. nga haro ii kokito do ahal dii sabaagi iso laang toponsol id koingkawason artistik dau om monulid dau sabaagi popotilombus montokpoptimism.

• Fearless Tour (2009–2010)
• Speak Now World Tour (2011–2012)
• The Red Tour (2013–2014)
• The 1989 World Tour (2015)
• Reputation Stadium Tour (2018)
• The Eras Tour (2023–2024)

• Katayadan do Gaa Grammy American nakalantoi om kingaran
• katayadan do artis muszik miampai kinakawasan-nasah id Amerika Koisaan

• Official website
• Taylor Swift at AllMusic
• Templat:Amazon Music artist
• Taylor Swift discography at Discogs
• Taylor Swift at IMDb 
• Templat:MusicBrainz artist

Templat:Taylor Swift Templat:Taylor Swift songs

Templat:IFPI Global Year-End Templat:Billboard Year-End number one albums Templat:Billboard Year-End Top Artists