Marjana Domaškojc

Marjana Domaškojc (nimski Marianne Domaschke; * 28. februara 1872 w Cazowje, † 11. awgusta 1946 w Cazowje) była jo dolnoserbska basnikaŕka, spisowaśelka, casnikaŕka a patriotka.

Wóna zachopiła jo wót 1886 w tekstilnej fabrice w Chóśebuzu źěłaś. Do 1931 jo tam była pśistajona a gromaźiła zaśišće a nazgónjenja serbsko-nimskich źěłowych poměrow w Dolnej Łužycy.

Wót 1925 jo pisała rozpšawy a pśedewšym basni za rozdźělne serbske casniki a casopise. W jeje basnjach zaběžali su pśedewšym jeje zaśišće domacneje pśirody a wejsnego žywjenja z religioznego wida. Mimo togo pisała jo teke patriotiske basni, w kótarychž jo se z tegdejšeju situaciju Serbow kritiski rozestajiła.

W lěśu 1929 Domaškojc jo napisała socialnokritiske źiwadłowe graśe Z chudych žywjenja wótśišćane w "Prědnej serbskej źiwadłowej zběrce" (Budyšyn 1930), w kótaremž jo wó poměrach Serbow wopisała. Źiwadłowe graśe jo se njamógło dla wopěranja konserwatiwnych krejzow w Nimskej pśedstajiś. W lěśu 1932 se jo prědny raz w Praze w českej rěcy pśedstajiło.

Pó njej bu w NDR tegdejša Serbska rozšyrjona wuša šula w Chóšebuzu (źinsajšny Dolnoserbski gymnazium) pomjenjona.