dinas ym Moroco

Marrakech

1 min read
In 121 languages
3 images

Key facts

poblogaeth1,002,697

arwynebedd230km²

enghraifft o'r canlynoldinas fawr

gwladwriaethMoroco

dechreuwyd1065

uchder uwch na lefel y môr465m

All data from the card 13

Math: dinas fawr
Poblogaeth: 1,002,697
Sefydlwyd: 1065
Pennaeth llywodraeth: Fatima Ezzahra El Mansouri
Gefeilldref/i: Sousse, Granada, Marseille, Clermont-Ferrand, Tombouctou, Tashkent, Ajaccio, Tours, Dinas Efrog Newydd, Mecca, Paris, Madrid, Odesa, Sidi Bennour, Granby
Rhan o'r canlynol: Imperial cities of Morocco
Gwlad: Moroco
Arwynebedd: 230 km²
Uwch y môr: 465 metr
Cyfesurynnau: 31.62947°N 7.98108°W
Cod post: 40000
Pennaeth y Llywodraeth: Fatima Ezzahra El Mansouri
Sefydlwydwyd gan: Abu Bakr ibn Umar

Dinas ym Moroco yw Marrakech neu Marrakesh (Amazigh: Murakush, Arabeg: مراكش Murrākush). Mae'n cael ei hadnabod fel y "Ddinas Goch" ac mae'n un o bedair dinas ymherodrol Moroco, gyda Rabat, Meknès a Fes. Mae ganddi boblogaeth o 1,070,838 (2004), ac mae'n brifddinas talaith Marrakech-Tensift-El Haouz, ger troedfryniau Mynyddoedd yr Atlas yn ne canolbarth Moroco.

Disgrifiad

Fel nifer o ddinasoedd yng Ngogledd Affrica a'r Dwyrain Canol, mae Marrakech yn cynnwys hen ddinas gaerog (y medina) a dinas fodern gerllaw (sef y Gueliz neu ville nouvelle). Fe'i gwasanaethir gan Faes Awyr Rhyngwladol Ménara (RAK) a rheilffordd sy'n ei chysylltu â Casablanca a'r gogledd. Marrakech yw'r dryddedd ddinas ym Moroco o ran poblogaeth ar ôl Casablanca a Rabat.

Mae Marrakech yn ddinas hanesyddol a ystyrir yn llawer mwy "Affricanaidd" na'r dinasoedd mawr eraill ac a nodweddir gan ei diwylliant Berber. Cafodd ei sefydlu yn 1062 gan y swltan Almoravid Yusuf ibn Tashfin. Tyfodd i fod yn brifddinas economaidd a diwylliannol de Moroco ac am gyfnod yn yr Oesoedd Canol bu'n brifddinas y wlad gyfan hefyd.

Ceir y souq (marchnad awyr agored) mwyaf yn y wlad yma ac mae'r ddinas yn enwog hefyd am y Djemaa el Fna, sgwâr mawr agored sy'n fwrlwm o acrobatiaid, diddanwyr, chwedleuwyr a cherddorion o fore tan nos pryd mae'n troi'n fath o fwyty fawr agored gyda nifer o stondinau bwyd.

Mae medina Marrakech yn Safle Treftadaeth y Byd ar restr UNESCO.

Ceir sawl parc a gardd yn y ddinas, yn cynnwys Gardd Majorelle a Gerddi Menara.

Llywodraeth leol

Marrakech yw prifddinas a chanolfan weinyddol talaith Marrakech-Tensift-El Haouz. Rheolir Marrakech gan Gyngor Dinas o 80 o gynrychiolwyr etholedig. Yn haf 2009, enillodd dinas Marrakech le yn hanes merched Moroco pan etholodd cyfarfod llawn o'r cyngor Mme Fatima Zohra El Mansouri yn faer: dyma'r tro cyntaf i ferch ddod yn faer yn hanes Moroco gyfan.