Llwyfan ariannu torfol ydy Kickstarter. Nod y cwmni yw rhoi hwb i brosiectau creadigol. Dywed Kickstarter eu bod wedi derbyn dros $1 biliwn mewn addewidion ariannol a hynny gan 5.7 miliwn o fuddsoddwyr ar gyfer 135,000 o brosiectau cerdd, ffilm, sioeau llwyfan, comics, newyddiadaeth, gemau fideo a phrosiectau yn ymwneud â bwyd.
Mae'r 'buddsoddwyr' yn eu tro'n derbyn gwobrau am gefnogi'r mentrau. Gellir olrhain y cysyniad gwreiddiol sydd y tu ôl i'r noddi celfyddydol hwn i fodel lle mae noddwyr yn tanysgrifio'n uniongyrchol gyda'r artist neu'r artistiaid er mwyn eu cefnogi'n ariannol.
Hanes
Sefydlwyd Kickstarter ar 28 Ebrill 2009 gan Perry Chen, Yancey Strickler, a Charles Adler. Galwodd Time y gwasanaeth "y dyfeisiad gorau yn 2010" a'r "Wefan orau yn 2011". Ymhlith y cefnogwyr mae Union Square Ventures ac "angylion" fel Jack Dorsey, Zach Klein a Caterina Fake. Yn Greenpoint, Brooklyn mae pencadlys y cwmni.
