Awdur Americanaidd, yn enedigol o Wlad Pwyl, yn ysgrifennu yn yr iaith Iddew-Almaeneg oedd Isaac Bashevis Singer (21 Tachwedd 1902 – 24 Gorffennaf 1991). Roedd yn un o ffigyrau amlycaf llenyddiaeth Iddew-Almaeneg.
Ganed ef yn Leoncin, pentref gerllaw Warsaw a breswylid yn bennaf gan Iddewon. Daeth ei frawd, Israel Joshua Singer, hefyd yn awdur adnabyddus. Ei nofel gyntaf oedd Satan yn Goray, sy'n rhoi hanes y digwyddiadau ym mhentref Goraj yn ystod yr erlid ar yr Iddewon ym 1648. Symudodd i'r Unol Daleithiau ym 1935. Enillodd Wobr Lenyddol Nobel ym 1978.
]
