Arlunydd a cherflunydd o Ffrainc oedd Georges Braque (13 Mai 1882 – 31 Awst 1963). Ynghyd â Pablo Picasso, datblygodd y symudiad arlunio Ciwbiaeth. Ganed ef yn Ffrainc a thyfodd i fyny yn Le Havre. Fe'i hyfforddwyd fel peintiwr ac addurnwr tai fel ei dad a'i daid, ond astudiodd yn yr École des Beaux-Arts yn Le Harve gyda'r nos, o 1897 tan 1899. Daeth yn brentis i addurnwr ym Mharis, ac enillodd ei dystysgrif yn 1902. Yno cyfarfu â Marie Laurencin a Francis Picabia, dau o'r artistiaid a oedd i fod yn rhan o'r mudiad Ciwbiaeth.
Cyfeiriadau
Eginyn erthygl sydd uchod am un o Ffrainc. Gallwch helpu Wicipedia drwy ychwanegu ato.
