Dinas a chymuned (comune) yng ngogledd-ddwyrain yr Eidal yw Bologna (Lladin Bononia), sy'n brifddinas rhanbarth Emilia-Romagna. Saif rhwng Afon Po a mynyddoedd yr Appenninau.
Yng Nghyfrifiad 2011 roedd gan y gymuned boblogaeth o 371,337.
Sefydlwyd y ddinas gan yr Etrwsciaid fel Felsina oddeutu'r flwyddyn 534 CC. Yn y 4g CC, concrwyd y ddinas gan lwyth Celtaidd y Boii, a chafodd yr enw Bononia. Daeth yn colonia Rhufeinig tua 189 CC, ac ychwanegwyd at bwysigrwydd y ddinas pan adeiladwyd y Via Aemilia yn 187 CC. Daeth yn municipium yn 88 CC, ac am gyfnod fe'i hystyrid yn ail ddinas yr Eidal.
Yn 728, cipiwyd y ddinas gan Liutprand, brenin y Lombardiaid. Yn 1088, sefydlwyd Prifysgol Bologna, Alma Mater Studiorum, y brifysgol hynaf yn y byd gorllewinol.
Adeiladau a chofadeiladau
- Arca di San Domenico
- Basilica San Petronio
- Collegio di Spagna
- Palazzo d'Accursio
- Porta Saragozza
- Stadio Renato Dall'Ara
- Teatro Comunale di Bologna
Pobl o Bologna
- Domenichino (1581–1641), arlunydd
- Maria Gaetana Agnesi (1718–1799), mathemategydd
- Guglielmo Marconi (1874–1937), peiriannydd
- Ottorino Respighi (1879–1936), cyfansoddwr
- Giorgio Morandi (1890–1964), arlunydd
- Rossano Brazzi (1916–1994), actor
