Dinas a commune yng Ngwlad y Basg, yn Iparralde sef yng ngwladwriaeth Ffrainc, yw Biarritz (Ffrangeg: Biarritz, Basgeg: Biarritz(e) neu Miarritze). Saif yn département Pyrénées-Atlantiques. Mae tua 38 km o ddinas Donostia yn y rhan o Wlad y Basg sydd yn Sbaen. Mae poblogaeth o 26,206 (1 Ionawr 2023).
Mae Biarritz yn enwog am ei thraethau, sy'n denu miloedd o ymwelwyr. Oherwydd poblogrwydd ymdrochi yma, tyfodd o fod yn bentref pysgota bychan yn 1843 pan ddarganfu Victor Hugo y lle, i fod yn ddinas bwysig erbyn diwedd y 19g. Yn 1854, adeiladodd yr ymerodres Eugénie, gwraig Napoléon III, balas yma. Adeiladwyd y casino enwog yn 1901.
