Niolu hè u nome d'un anziana pieve di Corsica à u Medievu. Facia parte di a diòcesi d'Aleria.
Geografia
U territoriu di l'antica pieve di Niolu currisponde oghje à i paesi di:
- Calacuccia, cù i paisoli di E Namanacce, E Castellacce, Sidossi;
- E Lubertacce cù i paisoli di Calasima, A Petra è Zitàmbuli;
- Lozzi, cù u paisolu di U Poghju;
- Corscia;
- Casamàcciuli.
Chjesa pievana
A chjesa pievana era quella di San Petru, chì si trova in Calacuccia. Ma ùn fermanu tracce. U Niolu hè a sola pieve di Corsica induve ùn ci hè nisuna tracce di cappella o di chjesa rumànica o prerumànica.
