U 10 di ghjennaghju hè u 10u ghjornu di l'annu in u calendariu gregurianu. Restanu 355 ghjorni à a fine di l'annu (356 sì hè bisestile).
Celebrazioni
Santi
Santu Guglielmu.
Guglielmu era u figliolu di u conte di Niverni (l'attuale cità di Nevers) è u nipote di Petru u Rimitu chì predicò a prima Cruciata. Hè statu fattu vescu di Biturigi (l'attuale cità di Bourges (dipartimentu di u Cher) u 23 nuvembre 1200, è sceltu cum'è prutettore di l'Università di Parigi. Hè mortu u 18 ghjennaghju 1209. Hè statu vescu à casu. L'arcivescu di Parigi avia messu trè nomi in un scartellu postu nant'à l'altare. Dopu a messa ne surtì u nome di Guglielmu. In ottu anni di guvernu di a so dioccesi, i strazi ùn li manconu. I so canonichi li ne vulianu, chì Guglielmu tenia à ch'elli fussinu più credenti è menu suldai. E' po hè statu persecutatu da Filippu Augustu, rè di Francia, per via chì l'avia rimpruveratu d'avessi lasciatu a moglia per spusà a figliola di u duca di u Tirolu.
A' Guglielmu, i so più cari eranu i poveri, i prigiuneri è i malati abbandunati. Fece una vita tantu santa chì u papa u messe nant'à l'altari ottu anni dopu a so morte.
Etimolugia: da u germ. "wil" (vuluntà) è "helm" (prutezzione, elmu). A' u seculu IX, u nome Gugliemu - Wilhelm in alemanu, William in inglese, Guillaume in Francia - spartu soprattuttu da i Nurmani, era pupulare in tutta l'Europa. Hè statu quellu di una massa di persunagi celebri, cum'è Guglielmu u Cunquistadore, Guglielmu Tell (l'eroe di l'indipendenza elvetica), Villiam Shakespeare, ecc.
Casate: Guglielmi, Gugliermi, Guglielmini, Guglielmucci, Guglielmoni, Guglielmacci.
Paesi è cità: Bourges.[1]
Ligami esterni
- Storia di a Corsica Archiviu 2006-07-28 at the Wayback Machine
- Almanaccu Adecec 2007 Archiviu 2007-02-12 at the Wayback Machine