لیزا مینێلی (لە دایکبووی ١٢ی ئازاری ١٩٤٦) خانمەکتەر، گۆرانیبێژ و سەماکەری ئەمریکییە، یەکێکە لە براوەکانی خەڵاتی ئۆسکار. وەک ئەکتەرێکی شانۆش خەڵاتی تۆنی بەدەست ھێناوە. لەلایەن حکوومەتی فەڕەنساوە، مێدالیای ڕێزلێنانی پێدراوە.
لیزا لە ساڵی ١٩٦١، چووە نیویۆرک سیتی بۆئەوەی کاری زیاتر لە نواندنی شانۆ بکات، لەوێ وەک خانمەکتەرێکی میوزیکاڵی شانۆ چالاکییەکانی دەستپێکرد، ھەروەھا لە یانە شەوانەکانیش ننمایشی ھەبوو و وەک ھونەرمەندێکی پۆپ دەردەکەوت. مینێلی بۆیەکەمینجار لە ساڵی ١٩٦٨، لە فیلمێکی بەریتانی بەناوی (Charlie Bubbles) بە ڕۆڵی سەرەکی دەرکەوت. لە ساڵی ١٩٦٩، لە ڕێی فیلمی (The Sterile Cuckoo) بۆیەکەمینجار پاڵێوراوکرا بۆ وەرگرتنی خەڵاتی ئۆسکار بۆ باشترین خانمەکتەر، بەڵام نەیبردەوە. دواتر لە ساڵی ١٩٧٢، بەھۆی ڕۆڵگێرانی سەرەکی لە فیلمی (Cabaret) دووبارە دەکرێتەوە پاڵێوراوی خەڵاتەکە، ئەمجارەیان دەبێتە براوەی خەڵاتەکە.
لە سەرەتا شەستەکان، گۆرانییە تاکەکانی سەرنجی لاوانی ئەمریکای ڕاکێشا بوو. ناوبراو ماوەیەکی زۆر درێژەی بە گۆرانی گوت دا، لە دوای ٢٠١٠ەوە خۆی بەدوور گرتووە لە بەشداربوون لە کۆنسێرتە گەورەکان، زیاتر لە نمایش و کۆبوونەوەی بچووک دەرکەوتووە.
سەرچاوەکان
- دەروازەی ژن
دەروازەی ژیاننامە
دەروازەی فیلم
دەروازەی ویلایەتە یەکگرتووەکانی ئەمریکا
دەروازەی کالیفۆڕنیا
دەروازەی ھۆڵیوود
دەروازەی تەلەڤیزیۆن
دەروازەی شانۆ
دەروازەی مۆسیقا
