Si Cristobal Colon (Initalyano: Cristoforo Colombo, Ininggles: Cristopher Columbus) (Genoa, Italya 1451 – Mayo 20, 1506, Valladolid, Espanya) mao ang nabigador ug kolonyalista ubos sa serbisyo sa Gingharian sa Espanya nga giila sa kasaysayan isip unang Uropanhon nga nakadiskubre sa Amerika sa tuig 1492. Ang iyang mga biyahe mao ang nagpahibalo sa mga Uropanhon sa kahimutangan sa Kasadpang Hemispero ug ang superkontinente niini nga Amerika ug ang malamposong pagpundar sa mga kolonya ug kulturang Uropanhon sa Bag-ong Kalibotan (New World).
Ang Iningles nga ngalan: Christopher Columbus usa ka anglisisasyon sa Linatin nga Christophorus Columbus. Sa Initalyano nailhan siiya nga Cristoforo Colombo.
Ang Colon Street (kaniadto: Calle Colón) sa Sugbo, nga mao ang nahiunang dalan nga dakbayanon sa Pilipinas, gingalan gikan kaniya.
